မိဘများ နှင့် ကလေးများအတွက်

ကျောင်းဝန်ထမ်းများမှာ အလုပ်လုပ်နေကြဆဲဖြစ်သည်။ ဆရာ၊ ဆရာများမှာ “ အဝေးသင် ပညာရေး” သင်ကြားပေးနေကြပါသည်။ ၎င်းမှာ သင့်ကလေး အိမ်မှာပင်ရှိနေစေကာမူ ဆရာ၊ ဆရာမများအနေဖြင့် ကျောင်းသားများအား ဆက်လက် သင်ကြားပို့ချနေသည့် အဓိပ္ပါယ်ပင် ဖြစ်ပါသည်။ အဝေးသင်ပညာရေး နှင့်ပတ်သက်ပြီး မေးမြန်းလိုပါက သင့်ကလေး၏ ကျောင်းသို့ ဆက်သွယ်နိုင်ပါသည်။

ကျောင်းအများအပြားက ၎င်းတို့၏ သင်ခန်းစာများကို ကျောင်းသား၊ ကျောင်းသူများ အိမ်တွင် လေ့လာနိုင်စေရန် အွန်လိုင်းတွင် တင်ပေးထားပြီး ဖြစ်ပါသည်။ ကျောင်းအများအပြားတွင် အင်တာနက် နှင့် ကွန်ပျူတာ မရှိသော မိသားစုများအတွက်လည်း စနစ်တစ်ခု ရှိပါသည်။ ၎င်းတို့တွင် စနစ်တစ်ခု ချမှတ်ပြီးရှိပါက သင့်ကလေး အိမ်တွင်လေ့လာနိုင်ရန် သင်ထောက်ကူများရရှိရန်အတွက် ကျောင်းမှ စာရွက်စာတမ်းများ သင်သွားရောက်ယူနိုင်ပါသည်။ ကျောင်းဝန်ထမ်းက သင့်အား မည်သို့ဆောင်ရွက်ရမည်ကို ပြောပြပေးနိုင်ပါသည်။ အီးမေးလ်အသုံးပြုပါက သင့်တွင် သင့်ကလေး၏ဆရာ၊ ဆရာမကို ဆက်သွယ်ရန် အီးမေးလ်လိပ်စာ ရှိနိုင်ပါသည်။ အကယ်၍ သင့်တွင် မရှိပါက ကျောင်းကို ဖုန်းဖြင့် ဆက်သွယ်ပါ။

သင့်ကလေးများသည် ကျောင်းဖွင့်စဉ်က ကျောင်းမှ အစားအသောက်များ ရရှိပါက ၎င်းတို့ကျောင်းတွင် အစားအသောက်များကို ရယူနိုင်ပါသေးသည်။ သင့်ကျောင်း သို့မဟုတ် ကျောင်းခရိုင်နယ်မြေမှ သင့်အား အချက်အလက်များ ပေးပါလိမ့်မည်။ သင်အချက်အလက် တစ်စုံတစ်ရာ မရရှိသေးပါက ကျောင်းသို့ ဆက်သွယ်ပါ။

ကျောင်းများ ပြန်ဖွင့်ရန် ဘေးကင်းသည့်အချိန် မတိုင်မီအထိ ပိတ်ထားမည်ဖြစ်သည်။ ကျောင်းပြန်ဖွင့်ရန် ဆုံးဖြတ်ချက်ကို ပြည်သူ့ကျန်းမာရေး အရာရှိများမှ ချမှတ်မည်ဖြစ်သည်။ သင့်ရဲ့ ဒေသတွင်းကျန်းမာရေးဌာနကို ရှာပါ။. ဤစာမျက်နှာတွင်ပြည်နယ်တိုင်း၌ကျောင်းများမည်သည့်အချိန်တွင်ဖွင့်လှစ်ရမည်နှင့်ပတ်သက်သည့်သတင်းအချက်အလက်များကိုဤစာမျက်နှာတွင်ဖော်ပြထားသည်။

အရေးပေါ်လုပ်သားများ နှင့် မရှိမဖြစ်လုပ်သားများအတွက် အချို့သော နေ့ကလေးထိန်းဝန်ဆောင်မှုများ နှင့် ကျောင်းများကို ဆက်လက် ဖွင့်လှစ်ထားပါသည်။ အကယ်၍ သင်သည် မရှိမဖြစ်လုပ်သားတစ်ဦး ဖြစ်ပါက သင်၏ ဒေသတွင်းကျန်းမာရေးဌာန သို့မဟုတ် ကျောင်းမှ အချက်လက် ရယူနိုင်ပါသည်။

ကမ္ဘာတစ်ဝှမ်းလုံးမှ ကလေးသူငယ်များကို Save the Children မှ ဂရုစိုက်လျက်ရှိပါသည်။ ၎င်း၏ ကလေးသူငယ်ရေးရာ ကျွမ်းကျင် ပညာရှင်များတွင် ကိုရိုနာဗိုင်းရပ်စ်နှင့် COVID-19 တို့အကြောင်းကို သင့်ကလေးငယ်များနှင့် ပြောဆိုနည်း နှင့်ပတ်သက်၍ သင်ယုံကြည်နိုင်သည့် အကြံပြုချက်များ ရှိပါသည်။

• သတင်းများ နားစွင့်၍ အချက်အလက်များကို မျှဝေပေးပါ။
• သင့်ကလေးငယ်နှင့် ကိုက်ညီသည့် နည်းလမ်းကို ချိန်ညှိအသုံးပြုပါ – ၎င်းတို့အတွက် အချက်အလက်များပိုမိုပေးခြင်းက စိုးရိမ်ပူပန်မှု လျော့ကျသွားစေနိုင်သလား၊ တိုးပွားလာစေနိုင်သလား ဆိုသည်ကို စဉ်းစားပါ။
• ကလေးကို ရိုးရှင်စွာနှင့် အေးဆေးစွာ ပြောဆိုသည့်နည်းကို အသုံးပြုပါ – ကလေးများသည် သင်၏ အရိပ်အကဲကို ဖမ်းလေ့ရှိကြသည်။
• သင့်ကလေး သိထားသည့်အရာများကို မေးပါ၊ ၎င်းတို့၏ မေးခွန်းများကိုဖြေပါ၊ အချက်အလက်အမှားများကို ရှင်းပြပါ။
• ၎င်းတို့၏ခံစားချက်မှာ ကျိုးကြောင်းညီညွတ်ကြောင်းပြောပါ တစ်ပြိုင်တည်းတွင် စိတ်အေးအေးထားရန် အားပေးပါ – “ ဒါက ကြောက်စရာကောင်းတယ်ဆိုတာ ဖေဖေမေမေတို့ နားလည်ပါတယ်။ ဖေဖေ မေမေတို့ ကျန်းမာနေဖို့အတွက် လိုက်နာရမယ့် အဆင့်တွေကို လိုက်နာရမယ် ပြီးတော့ ဖေဖေ မေမေတို့ သေချာပြင်ဆင်ထားတယ်။”
• သူတို့ စွမ်းဆောင်နိုင်တာတွေရှိကြောင်း သတိပေးနေပါ – လက်ကို သေချာစွာ မကြာခဏ ဆေးကြောခြင်း၊ တံတောင်ဆစ်ကွေး အတွင်းသို့ နှာချေခြင်း နှင့် ချောင်းဆိုးခြင်း၊ အိပ်ရေးဝအောင် အိပ်ခြင်း စသည်များ ပါဝင်ပါသည်။
• တစ်ကိုယ်ရေ နှင့် ပတ်ဝန်းကျင်သန့်ရှင်းရေးတွင် စံပြဖြစ်အောင် နေသည့်အပြင် ပျော်စရာကောင်းဖြစ်ရန်လည်း ကြိုးစားပါ။ လက်ကို ဆပ်ပြာ နှင့် ရေတို့ဖြင့် အနည်းဆုံး စက္ကန့် ၂၀ ကြာအောင် ဆေးကြောနေစဉ် အနှစ်သက်ဆုံး သီချင်းတစ်ပုဒ်ကို ဆိုနေပါ။

• UNICEF တွင် မိဘများအတွက် အချက်အလက်များကို အာရဗီ၊ တရုတ်၊ အင်္ဂလိပ်၊ ပြင်သစ် နှင့် စပိန် ဘာသာစကားတို့ဖြင့် ပံ့ပိုပေးထားပါသည်။
• အောက်ပါတို့မှာ ကမ္ဘာ့ကျန်းမာရေး အဖွဲ့ကြီးမှ မိဘများအတွက် ပေးထားသော အလွန်ကောင်းမွန်သည့် အကြံပြုချက်များ ဖြစ်ပြီး အင်္ဂလိပ်နှင့် စပိန် ဘာသာစကားတို့ဖြင့် ရရှိနိုင်ပါသည်။ အခြားဘာသာစကားများကိုလည်း ရရှိလာသည့်အချိန်တွင် ထပ်ဆောင်း၍ ထည့်သွင်း သွားပါမည်။
• Khan Academy မှ အသက်အရွယ်အားလုံးအတွက် အခမဲ့ အွန်လိုင်း သင်ခန်းစာများ ပံ့ပိုးပေးလျက်ရှိပါသည်။ ၎င်း၏ မိဘများအတွက် စာမျက်နှာများမှာ ဘာသာစကားများစွာဖြင့် ရှိပါသည်။
• The Child Mind Institute တွင် မိဘများအတွက် အကြံပြုချက်များအပြင် ပညာရှင်များနှင့် ဗွီဒီယိုစကားဝိုင်းတွင် ဆွေးနွေးနိုင်သည့် အခွင့်အရေးရှိပါသည်။

• အံ့ဩဖွယ်ကောင်းသော ကိုဗီစာအုပ် (COVI book) ကို ဘာသာစကားပေါင်း ၂၅ ခုဖြင့် ဖတ်ရှုပါ။ မိသားစုတွင်းရှိသူ အားလုံးကို ပိုမိုစိတ်သက်သာရာ ရစေလိမ့်မည်ဖြစ်သည်။ pdf ကို ဒေါင်းလုဒ်ဆွဲနိုင်သည် သို့မဟုတ် အွန်လိုင်းတွင် နိုင်ပါသည်။
• ကိုရိုနာဗိုင်းရပ်စ် သန့်ရှင်းရေးနှင့်ဆိုင်သော Sesame Street ဗွီဒီယိုများကို ကြည့်ပါ။
• ကိုရိုနာဗိုင်းရပ်စ် ကာတွန်းစာအုပ်ကို အာရဗီဘာသာစကားဖြင့် ဖတ်ရှုပါ။
• “ ပျံသန်း‌နေသည့် သိပ္ပံပညာရှင်” ကို အာရဗီဘာသာစကား သို့မဟုတ် အင်္ဂလိပ်ဘာသာစကားဖြင့် ဖတ်ရှုပါ။
• ကလေးများအတွက် ကိုရိုနာဗိုင်းရပ်စ် ဆိုင်ရာ သတင်းအချက်အလက်များကို စပိန်ဘာသာစကားဖြင့် ရှာဖွေပါ။
• အသက် ၃-၆နစ် နင့် ၇-၁၂နစ် နင့် ဆယ်ကျော်သက် ကလေးများအတွက် ကိုရိုနာဗိုင်းရပ်စ် အချက်လက်များကို ဘာသာစကား ၃၅ခု ဖြင့်ရှာဖွေလိုက်ပါ။

• Colorín Colorado တွင် သင်ကြားရေး အရင်းအမြစ်များကို အင်္ဂလိပ်ဘာသာစကား နှင့် စပိန်ဘာသာစကား နှစ်မျိုးဖြင့် ရရှိပါသည်။
• Booksmart သည် အင်္ဂလိပ်၊ အာရဗီ၊ ဟင်ဒီ နှင့် စပိန်ဘာသာစကားဖြင့် ရေးသားထားသည့် ရာချီသောစာအုပ်များ ပါရှိသည့် အက်ပလီကေးရှင်း တစ်ခုဖြစ်သည်။
• Khan Academy တွင် အသက် ၄ နှစ်မှ ၁၈ နှစ် ကလေးများအတွက် အခမဲ့ အွန်လိုင်းသင်တန်းများ ရှိပါသည်။ ဘာသာစကား များကို စာမျက်နှာ၏အောက်ခြေတွင် ပြောင်းလဲနိုင်ပါသည်။ စတင်ရန်အတွက် ကျောင်းများပိတ်ထားချိန်တွင် အဝေးမှ သင်ယူခြင်းအကြောင်း စာမျက်နှာသို့ သွားပါ။
• Learning Heroes တွင် ကလေးများ နှင့် မိဘများအတွက် အင်္ဂလိပ် နှင့် စပိန်ဘာသာစကားဖြင့် ရေးသားထားသည့် အရင်းအမြစ်များ ရှိသည်။
• ကလေးငယ်များအတွက် ဝက်ဘ်ဆိုဒ် နှင့် အက်ပလီကေးရှင်းကောင်းများစာရင်းကို ဒေါင်းလုဒ်
• Lingokids သည် ဘာသာစကားသင်ကြားပေးသော ပရိုဂရမ်ဖြစ်ပြီး ကလေးများကို ဂိမ်းကစားရင်း အင်္ဂလိပ်စာသင်ယူစေသည်။ စမတ်ဖုန်းများနင့် တပ်ဘလက်များပေါ်တွင်အသုံးပြုနိုင်သည်။ USAHello ဖြင့် သင့်ကလေးများ LingoKids ကိုအခမဲ့အသုံးပြုနိုင်သည်။