ရွှေ့ပြောင်းနေထိုင်သူများ၊ ခိုလှုံခွင့်တောင်းခံသူများ နှင့် ဒုက္ခသည်များအတွက်

ဤစာမျက်နှာကို ၂၅/၅/၂၀၂၀ နေ့တွင် နောက်ဆုံးအကြိမ် ပြင်ဆင်ခဲ့ပါသည်။ ယင်းနေ့စွဲနောက်ပိုင်း ပြင်ဆင်ချက်များကို ကြည့်ရှုရန်အတွက် အင်္ဂလိပ်ဘာသာ စာမျက်နှာသို့ ကျေးဇူးပြု၍ သွားပါ။

ဤစာမျက်နှာကို အောက်ပါဘာသာစကားဖြင့်လည်း ဘာသာပြန်ထားပါသည် -

ကျွန်တော်တို့သည် ကိုရိုနာဗိုင်းရပ်စ်နှင့်ပတ်သက်သည့် အကြောင်းကို အလွန်စိုးရိမ် နေကြသည်။ သို့သော် အကယ်၍ သင်သည် အမေရိကန်နိုင်ငံတွင်နေထိုင်သော ရွှေ့ပြောင်းနေထိုင်သူ၊ ဒုက္ခသည် သို့မဟုတ် ခိုလှုံခွင့်တောင်းခံသူတစ်ဦး ဖြစ်ပါက ပိုမို စိုးရိမ်ပူပန်မှု ရှိနိုင်ပါသည်။ ဤစာမျက်နှာသည် ရွှေ့ပြောင်းနေထိုင်သူ အသိုင်းအဝိုင်းများအတွက် အရေးကြီးသော အကြောင်းအရာအချို့ကို ဖော်ထုတ် တင်ပြထားသည်။ COVID-19 ကြောင့် ICE၊ USCIS နှင့် အခြား လူဝင်မှုကြီးကြပ်ရေးဆိုင်ရာ အပြောင်းအလဲများနှင့်ပတ်သက်သည့် နောက်ဆုံးသတင်းများကိုလည်း တွေ့ရှိလိမ့်မည်။

သင့်ကို ဘာက စိတ်ပူပန်စေပါသလဲ။

ရောက်ရှိလာသော လူသစ်များစွာတို့သည် ဆိုးရွားသည့်အခြေအနေများမှ အမေရိကန်နိုင်ငံသို့ လာကြခြင်းဖြစ်သည်။ အစိုးရကို ယုံကြည်ရန် ခက်ခဲပါသည်။ ထို့အပြင် ဤခက်ခဲသောအချိန်တွင် ကျွန်တော်တို့ရဲ့ အမေရိကန်ခေါင်းဆောင်ပိုင်းမှာလည်း ရှုပ်ထွေးမှု ရှိပါသည်။ ထို့ကြောင့် ကျွန်တော်တို့ ဘာလုပ်သင့်ပါသလဲ၊ ဘယ်သူ့ကို ယုံကြည်သင့်ပါသလဲ။

သင်သည် အစိုးရ၏ ကျန်းမာရေးအချက်အလက်များကို ယုံကြည်စိတ်ချနိုင်ပါသည်
CDC သည် အလုံးစုံမြှုပ်နှံထားသည့် ကျွမ်းကျင်သိပ္ပံပညာရှင်များ ပါဝင်သော အမေရိကန်အစိုးရအေဂျင်စီ တစ်ခုဖြစ်သည်။ ၄င်းတို့သည် မိမိ အသက်ကို အရဲစွန့်ပြီး COVID-19 ကဲ့သို့သော ရောဂါများကို နားလည်သဘောပေါက်ရန် နှင့် ပြည်သူလူထုအား လုံခြုံမှုရှိစေရန် အတွက် အလုပ်လုပ်ကြသည်။ ဤကဲ့သို့သော အချိန်ကာလမျိုးအတွင်းတွင် ကျွန်ုပ်တို့သည် ၄င်းတို့၏ သတင်းအချက်အလက်များကို ယုံကြည်ရန် အလွန်အရေးကြီးလှပါသည်။

သင်၏ ဒေသခံ ကျန်းမာရေး အာဏာပိုင်များ နှင့် ဆေးဘက်ဆိုင်ရာ ဝန်ဆောင်မှုများကို ယုံကြည်စိတ်ချနိုင်ပါသည်
ပြည်နယ်၊ ကောင်တီ နှင့် မြို့ပြအစိုးရ များတွင်လည်း ပြည်သူ့ကျန်းမာရေးအေဂျင်စီ တစ်ခုစီ ရှိပါသည်။ သင့်ပြည်နယ်ရှိ ကျန်းမာရေး အေဂျင်စီများသည် သင်၏ လူဝင်မှုအခြေအနေကို ဂရုမစိုက်ပါ။ ၄င်းတို့က သင်၏ ကျန်းမာရေးကိုသာ ဂရုစိုက်ကြပါသည်။ သူတို့ထံတွင် သင် အကူအညီတောင်းနိုင်ပါသည်။

အမေရိကန်နိုင်ငံတွင် သင်သည် စာရွက်စာတမ်း အထောက်အထားမရှိခြင်းကြောင့် သို့မဟုတ် ငွေမပေးနိုင်ခြင်းကြောင့် မည်သည့်ဆေးရုံ အရေးပေါ်ခန်းကမှ သင့်ကိုငြင်းပယ်လို့မရပါ ဆိုသည်ကို ဥပဒေတွင် တရား၀င်ဖော်ပြထားသည်။ သင်ဖျားနာပါက အကူအညီတောင်းပါ။ COVD-19 သည် အလွန်ကူးစက်လွယ်သောကြောင့် ၉၁၁ (911)၊ သင်၏ ဆေးရုံသို့မဟုတ် သင်၏ ဒေသတွင်း ကျန်းမာရေးဌာနကို အရင်ခေါ်ဆိုပါ။

အမေရိကန်နိုင်ငံတွင် သင်၏ တရား၀င်ရပ်တည်ချက် မည်သို့ပင်ရှိပါစေ ကျန်းမာရေးစောင့်ရှောက်မှုရရှိရန် အခွင့်အရေး ရှိပါသည်။ ကျန်းမာရေးအာမခံ ရရှိရန်အတွက်လည်း အခွင့်အရေးရှိနိုင်ပါသည်။ အင်္ဂလိပ်၊ အာရဗီ၊ အမ်ဟာရစ်၊ ဗမာ၊ တရုတ် စပိန်ဘာသာစကား တဂါးလော့ဂ် နှင့် ဗီယက်နမ်လူမျိုး (ဖိလစ်ပိုင် ဘာသာစကား) ဖြင့်ရေးသားထားသည့် သင်၏ ကျန်းမာရေးစောင့်ရှောက်မှု အခွင့်အရေးများ အကြောင်းကို ဖတ်ပါ။

အခမဲ့ ဆေးခန်း (မတတ်နိုင်သော သူများအတွက် ကျန်းမာရေးဝန်ဆောင်မှုများ) တစ်ခန်းကို ရှာပါ။
ကျန်းမာရေးဌာန (သင်တတ်နိုင်သလောက်ကိုသာ တောင်းခံသည့် ကျန်းမာရေးဝန်ဆောင်မှုများ) ကို ရှာဖွေပါ။ ကျန်းမာရေးဌာန အများစုသည် လူတိုင်းကို အခမဲ့ COVD-19 စစ်ဆေးမှု ပြုလုပ်ပေးပါသည်။
ကယ်လီဖိုးနီးယားတွင် အသက်၂၅ နှစ်အောက် ငယ်သော ၀င်ငွေနည်းသူများ၊ စာရွက်စာတမ်း အထောက်အထားမရှိသည့် ရွှေ့ပြောင်းနေထိုင်သူများအတွက် Medi-Cal ဟုခေါ်သည့် ကျန်းမာရေးအာမခံမှု ရှိပါသည်။

USAHello သည် တရား၀င် သို့မဟုတ် လူဝင်မှုကြီးကြပ်ရေးဆိုင်ရာ အကြံဥာဏ် မပေးနိုင်ပါ။ သို့သော် ကျွန်ုပ်တို့သည် သင့်ကို လူဝင်မှုကြီးကြပ်ရေး နှင့် ဥပဒေရေးရာ ကျွမ်းကျင်သူများ နှင့်ဆက်သွယ်ပေးနိုင်ပါသည် –

ImmigrationLawHelp.org
သည် ၀င်ငွေနည်းပါးသော ရွှေ့ပြောင်းနေထိုင်သူများကို ဥပဒေရေးရာ အကူအညီရရန် ကူညီနိုင်သည်။ သင်၏ zip code ကို အသုံးပြု၍ ၎င်းတို့၏ ၀က်ဘ်ဆိုက်ပေါ်တွင် ဥပဒေရေးရာအကူအညီကို ရှာဖွေ နိုင်သည်။ သင် သို့မဟုတ် သင်၏ မိသားစုဝင်များသည် အမေရိကန်နိုင်ငံတွင် ထိန်းသိမ်းခံထားရပါက ထိန်းသိမ်းရေးဌာနမှ ရှာဖွေနိုင်ပါသည်။

Boundless
လူဝင်မှုကြီးကြပ်ရေး နှင့် ဗီဇာအရေး ကိုင်တွယ်သည့် အစိုးရရုံးအများစုကို ပိတ်ထားပါသည်။ Boundless သည် နိုင်ငံသား နှင့် အစိမ်းရောင်ကတ် (ဂရင်းကတ်) လျှောက်လွှာများအတွက် ယုံကြည်ရသော ရင်းမြစ်တစ်ခုဖြစ်သည်။ ကိုရိုနာဗိုင်းရပ်စ်က အင်တာဗျူးများ၊ စာရွက်စာတမ်းများ နှင့် လျှောက်လွှာများ အပေါ် သက်ရောက်မှုအကြောင်း သတင်းအချက်အလက်များကို ဖတ်ပါ။

United WeDream
United WeDream သည် အထောက်အထားမရှိသည့် အမေရိကန်နိုင်ငံသားများကို အကူအညီပေးပါသည်။ ၄င်းတို့၏ ၀က်ဘ်ဆိုက်တွင် USCIS ရုံးပိတ်ခြင်း နှင့် DACA သက်တမ်းတိုးခြင်းဆိုင်ရာ လျှောက်လွှာများ ပါသည့် သတင်းအချက်အလက်များကို ဖော်ပြထားသည်။

အရေးအပါဆုံးသော စည်းမျဉ်းများသည် အမေရိကန်နိုင်ငံရှိ နေရာတိုင်းတွင် အတူတူဖြစ်ပါသည် −

သင်နှင့်အတူ မနေထိုင်သူများ နှင့် မည်သည့်ထိတွေ့မှုမျိုးမှ မပြုလုပ်ပါနှင့်။
ဖြစ်နိုင်သလောက် အိမ်မှာနေပြီး ကလေးများကို အိမ်မှာပဲထားပါ။
လေ့ကျင့်ခန်းလုပ်ရန် သို့မဟုတ် လိုအပ်သည့် အစားအစာနှင့် ဆေးဝါးများကို ဝယ်ယူရန် အပြင်ထွက်နိုင်သည်။ သို့သော် အခြားလူများနှင့် ၆ ပေ အကွာအဝေးတွင် နေရမည်။
သင်နှင့်အတူ မနေထိုင်သောသူများနှင့် ၆ ပေထက် ပိုနီးရမည်ဆိုပါက သင့်နှာခေါင်း နှင့် ပါးစပ်ကို ဖုံးထားပါ။
ဖျားနာပါက အလုပ်မသွားပါနှင့် သို့မဟုတ် အိမ်ပြင်မထွက်ပါနှင့်။
တစ်ကိုယ်ရေသန့်ရှင်းရေးကို ဂရုစိုက် ကျင့်သုံးပါ။ ကောင်းမွန်သော တစ်ကိုယ်ရေသန့်ရှင်းမှု ဆိုသည်မှာ လက်များကို ဆေးကြောခြင်း၊ ချောင်းဆိုး သို့မဟုတ် နှာချေသည့်အခါ တစ်ရှူးများကိုအသုံးပြုခြင်း၊ မျက်နှာကို မထိခြင်း နှင့် မျက်နှာပြင်များကို သန့်ရှင်းခြင်းတို့ဖြစ်သည်။

ပြည်နယ်တစ်ခုစီတွင် ထိုပြည်နယ်တစ်ခုအတွက်သာ စည်းမျဉ်းစည်းကမ်းများ ရှိသည်။ သို့သော် အထက်တွင်ဖော်ပြထားသည့် အရေးကြီးသော စည်းမျဉ်းများကို သင်လိုက်နာပါက သင် နှင့် သင်နေထိုင်သည့် နေရာတွင်ရှိသော အခြားသူများကို ကာကွယ်ပါလိမ့်မည်။ ကျန်းမာအောင် ဘယ်လိုလုပ်ရမလဲဆိုသည်ကို ပိုမိုလေ့လာပါ။

COVID-19 ကြောင့် ပြင်ဆင်မွမ်းမံမှုများ နှင့် ပြောင်းလဲမှုများ

COVID-19 ကူးစက်ပျံ့နှံ့ခြင်းကြောင့် အမေရိကန် လူဝင်မှုကြီးကြပ်ရေးစနစ်တွင် အပြောင်းအလဲများ နှင့် ပိတ်ပစ်မှုများ ရှိခဲ့ပါသည်။ ရွှေ့ပြောင်းနေထိုင်သူများ၊ ဒုက္ခသည်များ နှင့် ခိုလှုံခွင့်တောင်းခံသူများ၏ နောက်ဆုံးသတင်းများကို ဤနေရာတွင်ဖော်ပြထားသည် –

ယူအက်စ် အစိုးရမှ ရွေ့ပြောင်းနေထိုင်သူဗီဇာ(အစိမ်းကပ်)များကို ဧပြီ ၂၃, ၂၀၂၀ခုနစ်မှစ၍ ရက် ၆၀ အထိ ရပ်တန့်ရန် စီမံခန့်ခွဲမှုအမိန့်တစ်ရပ်အားထုတ်ပြန်လိုက်သည်။ အမိန့်သည် အမေရိကန်ပြည်ထောင်စုပြင်ပတွင် နေထိုင်သောသူများအပေါ်သက်ရောက်သည်။ ဆေးဘက်ဆိုင်ရာလုပ်သားများ၊ စိုက်ပျိုးရေးလုပ်သားများနင့် တချို့သောလုပ်သားများမှာ ဗီဇာဆက်လက်ရရှိနိုင်သည်။ ယူအက်စ် နိုင်ငံသားများ၏ အိမ်ထောင်ဖက်များနင့် အသက် ၂၁နစ် အောက်ကလေးများသည်လည်း ဗီဇာဆက်လက်ရရှိနိုင်သည်။ ရွေ့ပြောင်းနေထိုင်ခွင့်ဗီဇာ ရရှိထားပြီးသူများနင့် တရားဝင် ခရီးသွားအချက်လက်များ ကိုင်ဆောင်ထားသူများလည်း လာရောက်နိုင်သည်။ SIV များနင့် ယူအက်စ် လက်နက်ကိုင်တပ်ဖွဲ့ဝင်များသည်လည်း လာရောက်နိုင်သည်။

မတ်လ ၂၀၂၀ တွင် USCIS မှ ချိန်းဆိုမှုများကိုပယ်ဖျက်လိုက်ပြီး အရေးပေါ်အခြေအနေများမှအပ ရုံးများပိတ်လိုက်သည်။ USCIS သည် ဇွန်လ ၄ ရက်နေ့တွင် တချို့သောရုံးများကိုပြန်လည်ဖွင့်လှစ်နေပြီဖြစ်သည်။ လျှောက်လွှာပံ့ပိုးရေးဌာနများ မဖွင့်သေးပါ။
- သင့် ခိုလှုံခွင့် အင်တာဗျူး ပယ်ဖျက်ခံရလျင် ရက်ချိန်းအသစ်ဖြင့် နို့တစ်စာ ရရှိမည်ဖြစ်သည်။
- သင့် နိုင်ငံသားခံယူခြင်းအခမ်းအနား ပယ်ဖျက်ခံရလျှင် အခမ်းအနား ရက်ချိန်းအသစ် ပြန်လည်ချိန်းဆိုရန် နို့တစ်စာရမည်ဖြစ်သည်။
- အခြားပယ်ဖျက်ခံရသော အင်တာဗျူးရှိလျှင် ရက်ချိန်းအသစ်ကို ပြန်လည်ချိန်းဆိုရန် သင့်ဒေသရုံးမှ နို့တစ်စာ ပေးပို့မည်ဖြစ်သည်။
- Infopass သို့မဟုတ် အခြားချိန်းဆိုထားခြင်း ရှိပါက သင့်ဒေသရုံးဖွင့်သောအခါတွင် သင်ကိုယ်တိုင် ပြန်လည်ရက်ချိန်းပြုလုပ် ချိန်းဆိုရမည်ဖြစ်သည်။ USCIS ဆက်သွယ်မှုဌာနကိုအသုံးပြုဖို့လိုမည်ဖြစ်သည်။
- ကိုဗစ်-၁၉ ပြန့်ပွားမှုကို ရပ်တန့်စေရန်အတွက် USCIS သည် ရုံးတိုင်းတွင် စည်းကမ်းအသစ်များချမှတ်ထားသည်။ မျက်နှာနှင့် နှာခေါင်းစည်းတပ်ပြီး လူမှုရေးအရ ခပ်ခွာခွာနေခြင်းဆိုင်ရာ လမ်းညွှန်ချက်များကို လိုက်နာရမည်။
- ရုံးဖွင့်ရက်များ၊ အင်တာဗျူးနင့် ချိန်းဆိုထားမှုများနင့် ပတ်သက်သော အချက်လက်များ ရရှိရန်အတွက် ကျေးဇူးပြု၍USCIS ကိုရိုနာဗိုင်းရပ်စ်စာမျက်နှာ ကို ဖတ်ရှုပါ။

ကိုဗစ်-၁၉ အတွက် ကျန်းမာရေး စောင့်ရှောက်မှုသည် လူထုအပေါ်အဓိကမှီခိုအားထားရမှု မဟုတ်ကြောင်း USCIS မှ ဆိုပါသည်။

၎င်းတို့တွင် ရှိပြီးဖြစ်သည့် ဇီဝမှတ်တမ်းများကို အလုပ်လုပ်ကိုင်ခွင့် စာရွက်စာတမ်း (EAD) သက်တမ်းတိုးခြင်းများကို ဆောင်ရွက်ရန် ပြန်လည်အသုံးပြုမည်ဖြစ်ကြောင်း USCIS မှ ကြေငြာထားပါသည်။ အသေးစိတ် အချက်အလက်များကို ဖတ်ရှုပါ။

အမေရိကန် တရားစီရင်ရေးဌာန၏ လူဝင်မှုကြီးကြပ်ရေးဆိုင်ရာ ပြန်လည်ဆန်းစစ်မှု အုပ်ချုပ်ရေးရုံး (EOIR) သည် အထိမ်းသိမ်းခံရသူများ ကြားနာရန်မှအပ များစွာသော လူဝင်မှုကြီးကြပ်ရေးခုံရုံးများကို ပိတ်သိမ်းခဲ့ပြီးဖြစ်သည်။ EOIR နှင့် ပတ်သက်သည့် ပြောင်းလဲမှုများအား မျက်ခြေမပြတ် စောင့်ကြည့်နေပါ။

အမျိုးသား ပြည်ဝင်ခွင့် စင်တာ (NVC) သည် အရေးပေါ်စုံစမ်းမေးမြန်းမှုများကိုသာ ပြန်လည်ဖြေကြားသွားမည်ဖြစ်သည်။ အရေးတကြီးမဟုတ်သော စုံစမ်းမေးမြန်းမှုများ ပြုလုပ်လိုပါက CEAC စနစ် ကို အသုံးပြုပါ၊ သို့သော် ပြန်လည်တုံ့ပြန်မှု ရရှိရန် ခက်ခဲကောင်း ခက်ခဲနိုင်ပါသည်။

ICE မှ ဖမ်းဆီးမှုများကို ဆက်လက်လုပ်ဆောင်သွားမည်ဖြစ်သော်လည်း ကျန်းမာရေးဌာနများ နှင့် ဆေးရုံများတွင် ဖမ်းဆီးမှုများ လုပ်မည်မဟုတ်ကြောင်း ICE မှဆိုပါသည်။ ၎င်းတို့အနေဖြင့် လူကိုယ်တိုင် စစ်ဆေးခံခြင်းအချို့ကိုလည်း ရက်ရွှေ့ဆိုင်းထားပြီးဖြစ်ပါသည်။ အရေးယူဆောင်ရွက်မှုများနှင့် ပတ်သက်၍ ICE မှ ပြောကြားထားသည်များကို ICE ကိုရိုနာဗိုင်းရပ်စ် သတင်းအချက်အလက်စာမျက်နှာတွင် ဖတ်ရှုပါ။

ကျောင်း နှင့် ကျောင်းသား၊ ကျောင်းသူများအပေါ် ကိုရိုနာဗိုင်းရပ်စ်၏ သက်ရောက်မှုနှင့် ပတ်သက်၍ ကျောင်းသား နှင့် ဧည့်သည်တော်လဲလှယ်ရေးအစီအစဉ် (SEVP) မှ ပုဂ္ဂိုလ်များအတွက် သတင်းအချက်အလက်များကို ICE မှ ထုတ်ပြန်ထားပြီး ဖြစ်ပါသည်။

နယ်စပ်တွင် ရောက်ရှိနေကြသော နိုင်ငံရေးခိုလှုံခွင့်တောင်းသူများကို ပြန်လှည့်စေလျက်ရှိသည်။ ၎င်းတို့ကို မက္ကဆီကိုသို့ လည်းကောင်း၊ ၎င်းတို့၏ သက်ဆိုင်ရာ မိခင်နိုင်ငံများသို့လည်းကောင်း ပြန်လွှတ်လျက်ရှိသည်။ ထို့သို့ပြန်လွှတ်ရာတွင် အဖေါ်မပါသော အရွယ်မရောက်သေးသည့် ကလေးသူငယ်များလည်း ပါဝင်သည်။ နိုင်ငံရေးခိုလှုံခွင့်တောင်းခံသူဆိုင်ရာ နောက်ဆုံးရ အချက်အလက်များ ကို ဖတ်ရှုပါ။

အမေရိကန်ပြည်ထောင်စုအနေဖြင့် ဒုက္ခသည်များ လက်ခံခြင်းကို ရပ်စဲမည်ဟု အမေရိကန်ပြည်ထောင်စု နိုင်ငံခြားရေးရာ ဝန်ကြီးဌာနမှ ပြောကြားခဲ့သည်။

ဒုက္ခသည်များကို အခြားနိုင်ငံများသို့ ပို့ဆောင်မည်မဟုတ်ကြောင်း အပြည်ပြည်ဆိုင်ရာ ရွှေ့ပြောင်းနေထိုင်မှု အဖွဲ့အစည်း (IOM) နှင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) မှ ပြောကြားခဲ့သည်။ ကြေညာချက်တွင် ခရီးသွားလာမှုများ အား တတ်နိုင်သမျှ စောစော ပြန်လည်စတင်မည်ဟု ပါရှိသည်။

DACA ရရှိသူများအတွက်ကိုရိုနာဗိုင်းရပ်စ် နောက်ဆုံးပေါ်အချက်အလက်များကို ရှာဖွေပါ။

ဤအချက်အလက်သည် USCIS၊ ပြည်ထဲရေးဝန်ကြီးဌာန HIAS နှင့် CLINIC တို့ကဲ့သို့ ယုံကြည်စိတ်ချရသော သတင်းရင်းမြစ်များမှလာသည်။ USAHello မှ ဥပဒေအကြံဉာဏ် သို့မဟုတ် ကျန်းမာရေးအကြံဉာဏ်များ ပေးမည်မဟုတ်သည်အပြင် ကျွန်ုပ်တို့၏ မည်သည့် စာရွက်စာတမ်းကိုမှ ဥပဒေ သို့မဟုတ် ကျန်းမာရေးအကြံဉာဏ်အဖြစ် မမှတ်ယူပါနှင့်။