ဤစာမျက်နှာကို ၂၅/၅/၂၀၂၀ နေ့တွင် နောက်ဆုံးအကြိမ် ပြင်ဆင်ခဲ့ပါသည်။ ယင်းနေ့စွဲနောက်ပိုင်း ပြင်ဆင်ချက်များကို ကြည့်ရှုရန်အတွက် အင်္ဂလိပ်ဘာသာ စာမျက်နှာသို့ ကျေးဇူးပြု၍ သွားပါ။
- English (English),
- አማርኛ (Amharic),
- العربية (Arabic),
- 简体中文 (Chinese),
- 繁體中文 (Chinese (Traditional)),
- فارسی (Farsi),
- Français (French),
- Italiano (Italian),
- 日本語 (Japanese),
- Ikinyarwanda (Kinyarwanda),
- 한국어 (Korean),
- Português (Portuguese, Brazil),
- Русский (Russian),
- Somali (Somali),
- Español (Spanish),
- Kiswahili (Swahili),
- Tagalog (Tagalog),
- ไทย (Thai),
- Türkçe (Turkish),
- Українська (Ukrainian),
- اردو (Urdu),
- Tiếng Việt (Vietnamese)
နေမကောင်း၍ဖျားလျှင် ဘာဖြစ်မည်ဆိုသည်ကို ကျွန်ုပ်တို့အားလုံး ကြောက်ရွံ့ကြသည်။ သို့သော် ဖျားနာပါက အကူအညီတောင်းနိုင်ပါသည်။ တစ်ယောက်ယောက် ဖျားနာနိုင်ခြင်းကြောင့် သင့်ကိုယ်သင်နှင့် သင့်မိသားစုကို ကြိုတင်ပြင်ဆင်ထားပါ။
ရောဂါလက္ခဏာတွေက ဘာတွေလဲ။
ရောဂါလက္ခဏာများ ဆိုသည်မှာ သင် နေထိုင်မကောင်းဟုပြဆိုသည့် လက္ခဏာများ ဖြစ်သည်။ COVID-19 ရှိသူတိုင်းသည် ရောဂါ လက္ခဏာအားလုံးကို မခံစားရပါ။ လူအများစုသည် ဖျားနာပြီးနောက် ဆေးကုသမှုမလိုဘဲ ပိုသက်သာလာကြပါသည်။ လူအနည်းငယ် ထံတွင် ရောဂါလက္ခဏာများ မရှိပါ။ အချို့လူများသည် အလွန်ပြင်းထန်သည့် ရောဂါလက္ခဏာများကို ခံစားကြရသည်။
COVID-19 ၏ အဓိကလက္ခဏာများမှာ –
- ကိုယ်ပူဖျားခြင်း
- ချောင်းဆိုးခြင်း
- အသက်ရှူကျပ်ခြင်း

COVID-19 ရှိသူ လူအများစုသည် အလွန် ပင်ပန်းနွမ်းနယ်မှုလည်း ခံစားရနိုင်သည်။ အခြားရောဂါလက္ခဏာများမှာ − ခန္ဓာကိုယ်အတွင်း နာကျင် ကိုက်ခဲခြင်း၊ နှာခေါင်းပိတ်ဆို့ခြင်း သို့မဟုတ် နှာရည်ယိုခြင်း (အအေးမိခြင်း ကဲ့သို့)၊ လည်ချောင်းနာခြင်း၊ ၀မ်းလျှောခြင်း နှင့် အနံ့ခံအာရုံ ဆုံးရှုံးခြင်းတို့ ဖြစ်သည်။
မမြင်ရသော ရောဂါလက္ခဏာများ
သတိပြုရန် – သင့်လက္ခဏာများမပြင်းထန်လျှင်ပင် သင့်အောက်စီဂျင် အဆင့်ကိုတိုင်းပေးရန် တောင်းဆိုပါ။ ကိုဗစ်-၁၉ ရှိသောလူအများစုသည် အောက်စီဂျင်နည်းနေကြပြီး နည်းနေသည်ကို မသိကြပါ။ အောက်ဆီဂျင်အဆင့်ကျဆင်းနေခြင်းသည် အလွန်အန္တရာယ်များသည်။ သို့သော် သင့်အောက်စီဂျင်ကျဆင်းမှုကို လျင်မြန်စွာကုသလျှင် ရောဂါပိုမိုလွယ်ကူစွာသက်သာလာနိုင်ပါသည်။
ကျွန်တော် နေမကောင်းဖြစ်လျှင် ဘာလုပ်ရမည်နည်း။
COVID-19 ရရှိသည့် လူအများစုသည် ရောဂါခပ်ပျော့ပျော့ရှိပြီး အိမ်တွင် ပြန်လည်ကျန်းမာလာနိုင်သည်။ အကြံဥာဏ် ရယူရန် သင့်ဆရာဝန် သို့မဟုတ် ပြည်သူ့ကျန်းမာရေးရုံးကို ဖုန်းဆက်သင့်ပါသည်။ ၄င်းတို့က သင့်အား မေးခွန်းများမေးပြီး ဘာလုပ်ရမလဲ ဆိုသည်ကို ပြောပြပါလိမ့်မည်။ သင့်ပြည်နယ်ရှိ ကျန်းမာရေးဌာနကိုရှာရန် CDC ဝက်ဘ်ဆိုက်သို့ သွားကြည့်ပါ။
အိမ်၌ မိမိကိုယ်ကို မည်သို့ ဂရုစိုက်ရမည့်အကြောင်း CDC မှ အကြံဥာဏ်များကို ဤနေရာတွင်ဖော်ပြထားသည်−
- အလုပ်၊ ကျောင်းသို့ မသွားပဲ အိမ်တွင်နေပြီး လူအများ စုဝေးရာနေရာများကို ရှောင်ကြဥ်ပါ။
- သင်၏ရောဂါလက္ခဏာများကို စောင့်ကြည့်ပြီး ပိုမိုဆိုးရွားလာပါက သင်၏ကျန်းမာရေးဝန်ဆောင်မှုပေးသူကို ခေါ်ဆိုပါ။
- အနားယူပြီး ရေဓာတ်ကို ထိန်းသိမ်းပါ။
- ကျန်းမာရေးစောင့်ရှောက်မှု ချိန်းဆိုချက်ရှိပါက ကြိုတင်ခေါ်ဆို၍ သင်၌ COVID-19 ရှိနိုင်သည်ဟု ပြောပြပါ။
- ချောင်းဆိုး၊ နှာချေပါက ဖုံးအုပ်ထားပါ။
- သင့်လက်များကို ဆပ်ပြာနှင့် ရေတို့ဖြင့် မကြာခဏ ဆေးကြောပေးပါ။
- အခြားမိသားစုဝင်များ မဖျားနာစေရန် သီးခြားအခန်းတွင် နေရန်ကြိုးစားပါ။
- ဟင်းခွက်ပန်းကန်များ၊ လက်သုတ်ပဝါ နှင့် အိပ်ရာခင်းကဲ့သို့သော တကိုယ်ရေသုံးပစ္စည်းများအား သင့်အိမ်ထောင်စုရှိ အခြားသူများနှင့် မျှသုံးခြင်းကို ရှောင်ကြဥ်ပါ။
- ကောင်တာစားပွဲများ၊ စားပွဲခုံများ နှင့် တံခါးလက်ကိုင်ဖုများ ကဲ့သို့သော မကြာခဏ
ဤအကြံပြုချက်များကို အာရဗီ၊ တရုတ်၊ အင်္ဂလိပ်၊ ကိုရီးယား၊ စပိန် နှင့် ဗီယက်နမ် စသည့် ဘာသာစကားများဖြင့် ရှာဖွေပါ။
သင် သို့မဟုတ် သင့်ကလေးများထံတွင် COVID-19 နှင့် မတူသည့် ဖျားနာမှုရှိပါက သင်ပုံမှန်လုပ်နေကျအတိုင်း လုပ်သင့်ပါသည်။ ဘာလုပ်ရမည်ကို မသိပါက သင့်ဆရာဝန် သို့မဟုတ် ကျန်းမာရေးစင်တာကို မသွားရောက်မီ ပြည်သူ့ကျန်းမာရေးဦးစီးဌာန ကို ဖုန်းခေါ်ပါ။
လူတစ်ဦးတွင် အဖျားကြီးပါက သို့မဟုတ် အသက်ရှူရန် ခက်ခဲလာပါက အကူအညီတောင်းယူရမည်။ သူတို့၏ မျက်နှာ သို့မဟုတ် နှုတ်ခမ်းသည် အပြာရောင်သန်းလာပါက အကူအညီတောင်းခံပါ။ ၄င်းတို့ စိတ်ရှုပ်ထွေးလာပါက သို့မဟုတ် အိပ်ချင်ပါက အကူအညီ ရယူပါ။ သင် ဝင်ရောက်မသွားမီ သင့်ဆရာဝန် သို့မဟုတ် ၉၁၁ သို့မဟုတ် ဆေးရုံအရေးပေါ်ခန်းကို ဖုန်းဆက်ပါ။ သင့်တွင် COVID-19 ရှိနိုင်ကြောင်း ၎င်းတို့ကို သေချာစွာပြောပြပါ။ ၄င်းတို့က သင့်အား မေးခွန်းများမေးပြီး ဘာလုပ်ရမလဲဆိုသည်ကို ပြောပြပါလိမ့်မည်။
- တစ်ယောက်တည်း သီးသန့် ခွဲထုတ်ထားခြင်းဆိုသည်မှာ နေမကောင်းဖြစ်ပါက အခြားလူများထံမှ သီးသန့်ခွဲထုတ်နေခြင်းကို ဆိုလိုပါသည်၊ သို့မှသာ အခြားလူများကို မကူးစက်နိုင်တော့ပါ။ အိမ်တွင် တစ်ယောက်တည်း သီးသန့်ခွဲထုတ်နေနိုင်သလို ဆေးရုံတွင်လည်း သီးသန့်ခွဲထုတ် နေနိုင်ပါသည်။ အကယ်၍ သင်သည်ဆေးရုံတွင် တစ်ယောက်တည်း သီးသန့်ခွဲထုတ်နေပါက ဧည့်သည်များ လာရောက်လည်ပတ်ခွင့် မပြုပါ။
- သီးသန့်ခွဲခြားစောင့်ကြည့်ခြင်း ဆိုသည်မှာ သင်နေမကောင်းဖြစ်ပါက တစ်နေရာတည်းတွင် အချိန်အတန်ကြာ သီးသန့်ခွဲခြား နေခြင်းဖြစ်သည်။ သင်ကိုယ်တိုင် သို့မဟုတ် သင့်မိသားစုနှင့်လည်း ဖြစ်နိုင်သည်။ COVID-19 အတွက် သီးသန့်ခွဲခြား စောင့်ကြည့်ကာလသည် ပုံမှန်အားဖြင့် ၂ ပတ်ကြာသည်။
- သင်ဖျားနာနေပါက သို့မဟုတ် ဗိုင်းရပ်စ်ပိုး ကူးစက်ခံထားရပါက သင်၏ ကျန်းမာရေးဌာနကို ဖုန်းဆက်ပါ။ သင့်ကိုယ်သင် တစ်ယောက်တည်း သီးသန့်ခွဲနေရန် သို့မဟုတ် သီးသန့်ခွဲခြားစောင့်ကြည့်ရန် လိုမလို ၄င်းတို့က သင့်အား ပြောပြပါလိမ့်မည်။
- ဆရာဝန်များအား စကားပြောဖို့ လိုအပ်ပါက သင့်ဆရာဝန်၏ အမည်ကိုရှာဖွေပါ။
- ဆေးရုံ ၀န်ထမ်းများအား ယခင်ရောဂါများ၊ သောက်သုံးသည့် ဆေးဝါးများ နှင့် သင်၏ကျန်းမာရေးကို ထိခိုက်စေနိုင်သည့် အရာမှန်သမျှကို ပြောပြပါ။ သူတို့က အကြောင်းအရာအားလုံးကို သိရှိပါက သင့်ကို ပို၍ကောင်းမွန်စွာ အကူအညီပေးနိုင် ပါမည်။
- သင်နားမလည်သည့် အရာတစ်ခုခုရှိခဲ့ပါက ၎င်းအား ပိုမိုရှင်းလင်းအောင် ရှင်းပြခိုင်းပါ။
- ဆေးရုံတွင် စကားပြန်ရရှိရန် တောင်းဆိုပိုင်ခွင့်ရှိပါသည်။ စကားပြန်မရရှိနိုင်ပါက ဂူဂယ်လ်ဘာသာပြန် ကို အသုံးပြုရန် ဆေးရုံ၀န်ထမ်းများအား ပြောပြပါ၊ ဒါမှမဟုတ် ဘာသာစကား အခက်အခဲရှိပါက ၎င်းတို့၏ ဖုန်းတွင်ရှိသည့် Tarjimly ကို အသုံးပြုရန် ဆေးရုံ၀န်ထမ်းများကို ပြောပါ။
- အကယ်၍ ကျန်းမာရေးဝန်ထမ်းများသည် အလုပ်အလွန်များပြီး သင်တစ်ခုခုကို စိတ်ပူနေပါက လူနာအတွက် ရပ်တည်သူ တစ်ဦး တောင်းဆိုပါ။ လူနာအတွက် ရပ်တည်သူဆိုသည်မှာ သင့်ကိုယ်စား စကားပြောဆိုပေးမည့်သူတစ်ဦး ဖြစ်ပါသည်။
- သင်ကိုယ်တိုင် သူတို့နှင့် စကားမပြောနိုင်ဖြစ်ပါက သင့်မိသားစုဝင် သို့မဟုတ် ကိုယ်ရေးလက်ထောက်ကို သင်နှင့်ပတ်သက် သည့် နောက်ဆုံးရ သတင်းများပေးရန် ဆေးရုံဝန်ထမ်းများအား တောင်းဆိုပါ။
- မသန်စွမ်းမှုကြောင့် ဆက်သွယ်ပြောဆိုရန် အကူအညီ လိုအပ်ပါသလား။ အင်္ဂလိပ် နှင့် စပိန် ဘာသာစကားတို့ဖြင့် ရေးသားထားသည့် သင့်အခွင့်အရေးများနှင့်ပတ်သက်သည့် သတင်းအချက်အလက်များ နှင့် ဆေးရုံသို့ ယူဆောင်သွားရမည့် ပုံစံကို ဖတ်ပြီး ဒေါင်းလုဒ်ဆွဲယူပါ။
ကိုရိုနာဗိုင်းရပ်စ် အတွက် ကျွန်တော် အစစ်ဆေးခံ သင့်သလား။
သင့်တွင် COVID-19 ရှိ မရှိသိစေရန် စစ်ဆေးနိုင်ပါသည်။ ဆေးဘက်ဆိုင်ရာ လုပ်သားတစ်ဦးက သင်၏နှာခေါင်းထဲ တုတ်ချောင်းလေး တစ်ချောင်း ထည့်ပြီး ဆဲလ်များ၏ နမူနာကို ယူပါမည်။ သင့်ထံမှရသော နမူနာကို ဓာတ်ခွဲခန်းတွင် စမ်းသပ်စစ်ဆေးပါသည်။ ပိုးတွေ့ ရောဂါရှိသည်ဆိုသည့်အဖြေ (positive result) ဆိုသည်မှာ သင့်တွင် COVID-19 ရောဂါပိုးရှိသည်ဟု ဆိုလိုခြင်းဖြစ်သည်။ ပိုးမတွေ့ /အနုတ်လက္ခဏာ စစ်ဆေးမှုရလဒ် (negative result) ဆိုသည်မှာ သင့်တွင် COVD-19 ရောဂါပိုး မရှိဟု ဆိုလိုခြင်းဖြစ်သည်။
CDC က လူတိုင်းကို COVID-19 စစ်ဆေးရန် မလိုဟုဆိုထားပါသည်။ သို့သော် စစ်ဆေးခြင်းသည် မိမိကိုယ်ကိုဂရုစိုက်ရန် နှင့် အခြားလူများကို ကာကွယ်ရန် ဘာလုပ်ရမည် ဆိုသည့်ဆုံးဖြတ်ချက်ကို ချရာတွင် ကူညီနိုင်သည်။ သင့်တွင် ရောဂါလက္ခဏာပြပြီး စစ်ဆေးလိုပါက ကျန်းမာရေးဌာန သို့မဟုတ် ဆရာဝန်တစ်ဦးကို ခေါ်ဆိုပါ။ သင့်ပြည်နယ်ရှိ ကျန်းမာရေးဌာန ကို ရှာရန် CDC ဝက်ဘ်ဆိုက်သို့ သွားကြည့်ပါ။

ကျွန်ုပ်ထံတွင် အထောက်အထား စာရွက်စာတမ်းများမရှိပါက မည်သို့ပြုလုပ်ရမည်နည်း။
အကယ်၍ သင့်တွင် အထောက်အထားမရှိဖြစ်ပါက ကျန်းမာရေးစောင့်ရှောက်မှု ကို ရယူနိုင်ပါသည်၊ သို့သော် ဆေးရုံသို့ မသွားမီ ကြိုတင်ဖုန်းဆက်ပါ။ သင့်တွင် ရောဂါလက္ခဏာများရှိပါက ဆရာဝန် သို့မဟုတ် ကျန်းမာရေးစင်တာ ဆီသို့ မသွားမီ ပြည်သူ့ကျန်းမာရေး ဌာန ကို ဖုန်းခေါ်ဆိုပါ။ ရွှေ့ပြောင်းအချေချနေထိုင်သူများ နှင့် ဝင်ငွေနည်းသောအမေရိကန်များကို ကူညီပေးသည့် ဆေးခန်းများနှင့် ဆေးရုံများတွင် တရား၀င် အဆင့်အတန်း ပြသရန် မလိုအပ်ပါ၊ လူနာများအား အမေရိကန်၏ အတွင်းရေးကိစ္စအား ကာကွယ်ရေးဆိုင်ရာ ဥပဒေများဖြင့် အကာအကွယ်ပေးသည်။ အရေးပေါ်အခြေအနေတွင် ရွှေ့ပြောင်းနေထိုင်သူများ၊ ခိုလှုံခွင့်တောင်းခံသူများနှင့် ဒုက္ခသည်များ အတွက် နောက်ထပ်သတင်းအချက်အလက်များကို ရှာတွေ့နိုင်သည်။
ကျွန်ုပ်တွင် ကျန်းမာရေးအာမခံ မရှိပါက ဘာလုပ်ရမည်နည်း။
အမေရိကန်ပြည်ထောင်စုရှိ လူမှုအသိုင်းအဝိုင်းအများစုတွင် ၀င်ငွေနည်းပါး၍ အာမခံမရှိသော လူနာများအတွက် ဆေးခန်းကို တွေ့ရှိနိုင်ပါသည်။ သင်အနီးအနားတွင်ရှိသည့် စျေးနှုန်းချိုသာသော သို့မဟုတ် အခမဲ့ရနိုင်သော ကျန်းမာရေးဌာနကိုရှာဖွေနိုင်ပါသည်။
ဤသတင်း အချက်အလက်များသည် ရောဂါထိန်းချုပ်ရေးဌာနများ CDC နှင့် ကမ္ဘာ့ကျန်းမာရေးအဖွဲ့ World Health Organization ကဲ့သို့ ယုံကြည်စိတ်ချရသော ရင်းမြစ်များမှလာခြင်း ဖြစ်ပါသည်။ USAHello သည် ဥပဒေရေးရာ အကြံဥာဏ်များ သို့မဟုတ် ဆေးကုသမှုဆိုင်ရာ အကြံဥာဏ်များကို ပေးအပ်ခြင်း မရှိသကဲ့သို့ ကျွန်ုပ်တို့၏ အထောက်အကူပစ္စည်းများကိုဥပဒေရေးရာ သို့မဟုတ် ဆေးဘက်ဆိုင်ရာ အကြံဥာဏ်အဖြစ် ယူရန်ရည်ရွယ်ခြင်းမရှိပါ။ ကျွန်ုပ်တို့၏ကျန်းမာရေးဆိုင်ရာ အချက်အလက်များကို အမေရိကန် ပြည်သူ့ကျန်းမာရေးပညာရှင် နှင့် ရောဂါဗေဒပညာရှင်လည်းဖြစ်၊ USAHello ဘုတ်အဖွဲ့ဝင်လည်းဖြစ်သည့် Tej Mishra က ပြန်လည်စစ်ဆေးသုံးသပ် ထားပါသည်။