په دې پاڼه کې به تاسو د کووېډ-۱۹ واکسین، د کډوالو لپاره معلومات، د کډوالو لپاره د واکسین د ترسره کولو شرايط، تقويتي دوز، د ماشومانو لپاره واکسین، د واکسین خوندیتوب او د کووېډ-۱۹ پرمهال د توپیري چلند په اړه پوهاوی ترلاسه کړئ.
د کورونا ویرس یا د کووېډ-۱۹ واکسین اوس په متحده ایالاتو کې د هرچا لپاره شته. په متحده ایالاتو کې کډوال کولی شي واکسین ترلاسه کړي. په دې اړه ستاسو د کډوالۍ حالت مهم نه دی.
واکسین د ټولو لویانو او هغه کسانو لپاره چې د 18 کلن يا له دې څخه پورته وي او همداراز د 5 څخه تر 17 کلونو پورې ماشومانو لپاره د لاسرسي وړ دي.
که تاسو لږترلږه شپږ میاشتې وړاندي خپل د کووېډ واکسین ترسره کړی وي، نو سپارښتنه کیږي چې د تقويتي دوز په نوم ورپسې واکسین هم ترسره کړئ.
د کووېډ-۱۹ واکسینونه او ورسره تقویتي دوز یې وړیا دي.
تاسو کولی شئ دا واکسین په درملتونونو، د خوراکي توکو په پلورنځیو او ځايي روغتیايي کلینیکونو کې ترلاسه کړئ.
تاسو کولی شئ د لاندې وېب پاڼي له لاري خبلې سيمي ته نږدې د واکسين مرکز ومومئ:
- vaccines.gov
- 1.800.232.0233 ته زنګ ووهئ
- یا خپل ساحوي کوډ 438829 شمېرې ته ولېږئ
ډاډ ترلاسه کړئ چې د خپل کووېډ-۱۹ واکسین کارت په خوندي ځای کې وساتئ.
بې اسناده او نور تول کډوال، پناه غوښتونکي او مهاجرین هم کولی شي د کووېډ-۱۹ واکسین او تقويتي دوز ترلاسه کړي.
تاسو بايد د دولت له لوري پر روغتیايي معلوماتو باور ولرئ
د ناروغیو د کنترول او مخنیوي مرکزونه (CDC) هغه دولتي اداره ده چې په متحده ایالاتو کې د روغتیا ساتني په برخه کې له هرچا سره مرسته کوي. تاسو کولی شئ د دوی پر معلوماتو باور وکړئ.همداراز تاسو کولی شئ چې پر خپلو سيمه ايزو روغتیايي چارواکو او روغتیايي خدماتو هم باور وکړئ. د هر ایالت، ولايت او ښار دولت د عامې روغتیا یوه اداره لري .
زه قانوني اسناد نه لرم او روغتیایي خدماتو ته اړتیا لرم
ستاسو د کډوالۍ قانوني حالت چې هرڅه وي، تاسو په متحده ایالاتو کې د روغتیايي خدماتو حق لرئ. کېدای شي تاسو د روغتیايي بیمې حق هم ولرئ.
د خپلې روغتیايي پاملرنې د حقوقو په اړه معلومات ترلاسه کړئ:
دلته نورې معلوماتي سرچینې هم شته:
- يووړیا کلینیک ومومئ (چې د هغو خلکو لپاره روغتیايي خدمات وړاندي کوي څوک چې پیسې نه شي ورکولی).
- یوروغتیایی مرکز ومومئ (چې د روغتیايي خدماتو په مقابل کې یواځې ستاسو څخه دومره پيسې اخلي چې تاسو يې د تاديې توان لرئ) . په ډېرو روغتیايي مرکزونو کې هرڅوک د کووېډ-۱۹ لپاره په وړیا ډول معاینه ترسره کيږي.
- کالیفورنیا ايالت د میډي-کل په نوم روغتیایي پوښښ لري. په دې مرکز کې د هغه کسانو لپاره روغتيايي خدمات وړاندي کېږي چې د عايد اندازه يې کښته وي او بې اسناده کډوال وي چې عمر يې د 25 کلونو څخه کم وي.
ایا زه بايد د دولتي لګښتونو په اړه اندیښنه ولرم؟
نه، تاسو کولی شئ د کووېډ-۱۹ واکسین او تقويتي دوز ترلاسه کړئ. په دې کې به له تاسو څخه دولتي لګښت و نه ګرځول شي.
د بایډن د ادارې له لوري د ټرمپ د ادارې د 2019 کال د دولتي لګښتونو قانون پای ته ورسېد. د کډوالو د کورنیو د ساتنې په اړه نور معلومات ترلاسه کړئ.
که تاسو د کډوالۍ د غوښتنلیک لپاره روغتیايي معاینې ته اړتیا ولرئ، نو دې ته هم اړتیا ده چې د کووېډ-۱۹ پر وړاندې بايد واکسین شوي یاست.
که تاسو د واکسین لپاره پر شرایطو برابر یاست، بايد د ترسره شوي واکسین ټولې دورې بشپړې کړئ. د کډوالۍ د موخو لپاره د CDC کووېډ واکسین د شرایطو په اړه نور معلومات ترلاسه کړئ.
په یاد ولرئ چې، که تاسو د اړتیا وړ واکسینونو له ترسره کولو څخه انکار وکړئ، کېدای شي د کډوالۍ غوښتنلیک مو رد شي.
که د متحده ایالاتو څخه د باندې د کډوالۍ د ويزې لپاره غوښتنه کوئ، تاسو باید د نورو اړینو واکسینونو ترڅنګ د کووېډ-۱۹ واکسین هم ترسره کړئ.
د متحده ایالاتو د واکسین کولو د شرایطو په اړه نور معلومات ترلاسه کړئ.
هغه کسان چې عمرونه يې د 18 کلونو يا له دې څخه زيات وي، باید د واکسين تقويتي دوز ترلاسه کړي. واکسینونه د کووېډ-۱۹ پر وړاندې ستاسو د بدن ساتنه کوي. د واکسين تقويتي دوز ستاسو بدن ډېر خوندي کوي.
د واکسين د تقويتي دوز د ترلاسه کولو لپاره، تاسو باید د فايزر، جانسن او جانسن يا هم موډرنا واکسینونه کړي وي. مهرباني وکړئ لاندې لارښوونې تعقیب کړئ:
- فايزر – بایو اېن ټېک – کولی شئ د خپل واکسين د دويم دوز څخه لږ تر لږه 6 میاشتې وروسته د واکسين تقويتي دوز ترلاسه کړئ.
- جانسن او جانسن – کولی شئ د خپل واکسين د لومړي دوز څخه لږ تر لږه 2 میاشتې وروسته د واکسين تقويتي دوز ترلاسه کړئ.
- موډرنا – کولی شئ د خپل واکسين د دويم دوز څخه لږ تر لږه 6 میاشتې وروسته د واکسين تقويتي دوز ترلاسه کړئ.
تاسو کولی شئ د خپل تقويتي دوز لپاره واکسینونه سره “ګډ او ترکيب کړئ” . دا په دې معنا ده چې تاسو کولی شئ د خپل تقويتي دوز لپاره هر ډول واکسین ترلاسه کړئ. مهمه نه ده چې تاسو لومړی کوم ډول واکسین ترسره کړی دی.
متحده ایالاتو د 12 څخه تر 17 کلونو ماشومانو لپاره د فایزر-بایو اېن ټېک واکسین اجازه ورکړې ده.
د ناروغۍ د مخنيوي مرکز CDC سپارښتنه کوي چې د 5 څخه تر 11 کلونو پورې ماشومان له لاندې واکسينونو څخه يو ډول ترسره کولی شي:
- د ماشومانو لپاره د فايزر-بایو اېن ټېک واکسین،
- د کووېډ-۱۹ واکسین لږ دوز، یا
- د یاد دوز دریمه برخه لویانو او تنکيو ځوانانو ته ورکول کیږي.
سرچینه: CDC
د ناروغۍ د مخنيوي مرکز CDC دا تضمین ورکوي چې د کووېډ-۱۹ واکسینونه خوندي او اغیزمن دي.
جانبي عوارض
د واکسین د ترلاسه کولو وروسته، کېدای شي د معتدلي کچي څخه تر منځنۍ کچي پوري په بدن کې جانبي عوارض رامنځته شي. دا عوارض ځکه رامنځته کېږي چې ستاسو بدن د ویروس پر وړاندې د خوندیتوب پر رامنځته کولو باندې کار کوي. ستاسو د معافیت سیستم ستاسو بدن ته خبر ورکوي چې د ویروس د وژلو لپاره غبرګون وښيي.
په یاد ولرئ چې د هرچا بدن د واکسين پر وړاندي ځانته غبرګون ښيي. کېدای شي ستاسو د کورنۍ غړي يا ملګري بېلابېل جانبي عوارض ولري.
د جانبي عوارضو تر ټولو عامې نښې نښانې په لاندې ډول دي:
- د ستني لګولو په ځای کې پړسوب، سوروالی او درد
- تبه
- د سر درد
- ستړیا
- د عضلاتو درد
- ټوخی
- د زړه بدوالی
حقايق او ابهامات
دلته مو د ناروغۍ د کنترول او مخنيوي مرکزCDC څخه په لاس راغلي د کورونا ویروس د واکسین د ترلاسه کولو په اړه ځینې عمومي ابهامات او حقایق را اخيستي دي:
- ابهام: زه به د ماشوم په درلودلو کې ستونزه ولرم.
- حقیقت: هېڅ داسې شواهد نشته چې وښيي چې واکسین د امیندوارۍ یا اولاد په اخېستو کې ستونزې رامنځته کوي.
- ابهام: د واکسين ترسره کول به زما ډي اين اې (DNA) بدله کړي.
- حقیقت: د کووېډ واکسین ستاسو ډي اين اې (DNA) نه بدلوي. دغه واکسین ستاسو د بدن له طبیعي دفاعي سیستم سره کار کوي چې له مخې یې تاسو کولی شئ چې د بدن معافیت رامنځته کړئ.
- ابهام: د واکسين له ترسره کولو وروسته، به زما د کووېډ معاينات مثبت راوخېژي.
- حقیقت: هیڅ داسي تجویز شوي واکسین نشته چې د ویروس معاينات دې مثبت کړي (هغه معاينات چې په ویروس باندې ستاسو د اخته کېدو معلومات وړاندي کوي) .
- ابهام: د واکسين له ترسره کولو وروسته، به زه په کووېډ اخته شم.
- حقیقت: هېڅ داسي تجویز شوي واکسین نشته چې د ژوندي ویروس لرونکی وي. اړونده واکسین تاسو په کووېډ ناروغي نه اخته کوي.
د کووېډ-۱۹ د ويري له امله په ټوله متحده ايالاتو کې خلک د کرونا پر ضد له شته خدماتو څخه ګټه اخېستلی شي.
تاسو څه کولی شئ؟
- د توپیري چلند په اړه تاسو کولی شئ خپلې سیمه ییزې دولتی ادارې یا د مدني آزادۍ سيمه ییزې اتحادیې ACLU ته راپور ورکړئ.
- تاسو کولی شئ د آسیا پاسیفیک پالیسۍ او پلان جوړلو شورا ته د پیښې په اړه راپور ورکړئ.
- که ستاسو سره په کار کې توپيري چلند شوی وي، تاسو کولی شئ د متحده ایالاتو دولت ته رسمي شکایت وکړئ.
- د ناروغي د کنترول او مخنيوي مرکز CDC څخه د بدنامۍ په اړه معلومات ترلاسه کړئ.
- د واشنګټن ایالت څخه د بدنامۍ ضد معلوماتي سرچینې ومومئ.
- زده کړئ چې که يو څوک تاسو تهدیدوي بايد څه وکړئ.
- کولی شئ د خپلو حقونو په اړه هم معلومات ترلاسه کړئ.
دا معلومات د باوري سرچینو څخه په لاس راځي، لکه د ناروغیو د کنترول او مخنیوي مرکزونه (CDC) او د خوړو او درملو اداره (FDA). USAHello په خپله نه کومه قانوني او نه هم کومه طبي مشوره ورکوي، او نه هم زموږ له کومو موادو څخه د قانوني یا طبي مشورو په توګه ګټه اخېستل کېدای شي. که تاسو طبي مرستې ته اړتیا لرئ، خپل ډاکټر یا اړونده روغتیایي چارواکو ته زنګ ووهئ.
نور له USAHello څخه
Looking for specific information?
