ډاکټران او درمل

ایا تاسو غواړئ په دې پوه شئ چې په امريکا کې څنګه يو ډاکټر ته لاړ شئ؟ د ډاکټر موندلو، د ملاقات وخت نیولو او د طبي کارمندانو سره د خبرو کولو په اړه ډېر څه ولولئ. ځان په دې خبر کړئ چې که تاسو ژباړونکي ته اړتيا ولرئ بايد څه وکړئ.

دلته به تاسو په دې اړه معلومات درکړل شي چې د نسايي ډاکټر او د ښځينه وو د روغتيايي ملاقات پر مهال بايد د څه تمه ولرئ. تاسو به دلته په دې پوه شئ چې د میرمنو روغتیايي ملاقاتونه پر څو ډوله دي، هغه حقونه چې تاسو یې په طبي ملاقات کې لرئ کوم دي، د ډاکټر سره د ملاقات پرمهال څه کیږي او نور هغه موضوعات چې تاسو يې د میرمنو د روغتیايي ملاقات په وخت کې ورباندي بحث کولای شئ.

والدین غواړي چې خپل ماشومان د ضرر او ناروغیو پر وړاندې محفوظ وساتي. په دې ځان پوه کړئ چې واکسین څه شی دي او څنګه کار کوي. د خپلو ماشومانو د واکسینولو د طريقي او د ماشومانو د روغتیا په اړه نور معلومات ومومئ.

کله چې تاسو ډاکټر ته لاړ شئ، هغه ممکن درته ووایي چې تاسو درملو ته اړتیا لرئ. په متحده ایالاتو کې درمل ځینې وختونه د دوا په نوم هم يادېږي. ډاکټران د درملو لپاره طبي نسخې لیکي ترڅو ستاسو د روغتيا په برخه کې مرسته وکړي. تاسو کولای شئ طبي نسخه خپل سيمه ايز درمل پلورنځي یا درملتون ته وروړئ.