Xaaladda Ilaalinta Ku Meel Gaarka ah (TPS ) ee Khuseysa Soomaaliya
Haddii aadan haysan TPS Somalia, waxaad hadda codsan kartaa illaa Maarso 17, 2026. Haddii lagu siiyo xaalad ilaalin ku meel gaar ah, waxay shaqayn doontaa illaa Maarso 17, 2026. Haddii aad qoondayn hore uga haysatay TPS Somalia, waa inaad dib isu diiwaan gelisaa ka hor Sebteembar 20, 2024 si aad u kordhiso heerkaaga. Ogow haddii aad u qalanto iyo sida loo codsado.
Waa maxay TPS
Xaaladda Ilaalinta Ku Meel Gaarka ah (TPS) waa nooc ka mid ah sharciga socdaalka ee dadka ku nool Mareykanka. TPS waxaa loogu talagalay dadka aan dib ugu laaban karin dalkooda hooyo khatar awgeed, sida iskahorimaad hubeysan ama masiibo deegaan.
Haddii aad leedahay TPS, waxaad awoodaa:
- In si sharci ah u joogto Maraykanka in muddo kooban ah
- Inaad ka codsato ogolaansho shaqo gudaha Maraykanka.
- Inaad codsato inaad u safarto meel ka baxsan Maraykanka.
- In laga ilaaliyo xariga iyo masaafurinta
Ma heli doontid mid ka mid ah faa’iidooyinka TPS ilaa codsigaaga la oggolaado. TPS waa ku meel gaar. Kuma siinayso sharci joogto ah, dhalasho, ama sharci socdaal oo rasmi ah.
| Booqo USCIS TPS Somalia page si aad u hesho tafaasiil dheeraad ah. |
Codsadayaasha cusub
Yaa codsan kara
Waa inaad buuxisaa shuruudaha soo socda si aad u codsato:
- Noqo muwaadin Soomaaliyeed ama qof aan dhalasho lahayn oo Soomaaliya ku noolaa muddo dheer ka hor inta uusan imaan USA
- Ku noolaa Mareykanka kaliya laga bilaabo Luulyo 12, 2024
- Aan ka tagin USA tan ilaa Sebteembar 18, 2024
Waxaa laga yaabaa inaadan u qalmin haddii aad gashay dambiyo gaar ah.
| Lacagta dadweynaha (Public charge) ma khuseeyo codsadayaasha TPS. Waxaad isticmaali kartaa barnaamij kasta oo dawladeed oo aad u qalanto. |
Sida loo codsado
Waxaad ka codsan kartaa TPS Somalia adiga oo buuxinaya Foomka I-821. Codsigaaga waxaad ka xaraysan kartaa onlayn ama adigoo ugu dirayo USCIS
Waa inaad soo dirtaa dukumeenti muujinaya caddaynta aqoonsigaaga, dhalashadaada, iyo taariikhda aad soo gashay. Kuwaani waxay ku taxan yihiin qeybta Waxa inaad Xaraynayso.
Waa inaad bixisaa lacag haddii aad codsanayso TPS markii ugu horeysay. Waxaa laga yaabaa inaad awoodo inaad dalbato lacag dhaafis haddii aadan awoodin inaad bixiso kharashka. Baro sida loo isticmaalo xisaabiyaha khidmadda USCIS.
Waa muhiim inaad u codsato sida ugu dhakhsaha badan. Maalinta ugu danbeysa ee la codsanayo waa Maarso 17, 2026 laakiin taasi sidoo kale waa maalinta ugu danbeysa ee TPS Somalia ay hadda la sii heli karo.
Maxaa xiga
USCIS waxay dib u eegi doontaa codsigaaga waxayna kuu soo diri doontaa ogeysiis rasiidh ah. Waxaad ka hubin kartaa heerka codsigaga onlayn adiga oo ku qoraya lambarkaaga risiidka, check the status. Haddii aad ku heli waydo rasiidh 3 toddobaad gudahooda ka dib, waxaad wici kartaa USCIS Contact Center.
Waxa laga yaabaa inaad hesho warqad aad ku weydiineysa caddayn dheeraad ah. Tani waxay noqon kartaa sawirkaaga, farahaaga, saxeexaaga, iyo dukumeentiyada kale.
Waxaad heli doontaa warqad oggolaanaysa ama diidaysa codsigaaga. Haddii aad codsatid oggolaansho shaqo, waxaad heli doontaa macluumaad ku saabsan codsigaaga.
Haddii aadan helin TPS, waxaad heli doontaa macluumaad ku saabsan haddii iyo sida aad uga dacwoon karto go’aankooda.
Dib-u-diiwaangelinta kuwa hadda haysta TPS
Haddii aad qoondayn hore ugu haysatay TPS Somalia, waxaad dib isu diiwaan gelin kartaa si aad u kordhiso ilaa Maarso 17, 2026.
Si aad dib isugu diiwaan geliso, waa inaad xeraysataa foomka I-821 ee cusub marka la gaadho Sebteembar 20, 2024. Waxaad codsigaaga ka xaraysan kartaa USCIS online ama boostada. Ma aha inaad bixiso lacag.
Waa muhiim in dib la iskugu diiwaan geliyo sida ugu dhaqsaha badan. Xilliga kama dambaysta ah sidoo kale waa maalinta ugu dambeysa ee TPS Somalia ee hadda la sii heli karo.
Haddii aad dhaaftay wakhtiga kama dambaysta ah ee dib-u-diiwaangelinta, waxaad soo gudbin kartaa codsi dib-u-diiwaangelin oo xili dambe ah. Waa inaad sidoo kale soo gudbisaa warqad sharaxaysa sababta keentay in aad xili dambe so gudbiso, sida hadii aay ku daahisay jirro halis ah. Waxaad dib isku diiwaan gelin kartaa onlayn ama boostada USCIS ee hoos timaada qaybta “Halka laga Fayl gareeyo”.
DHS waxay si toos ah EADs-ka kuwa haysta TPS-ka hadda ee is diiwaangelinta ugu dambaysay u kordhisay illaa Sebteembar 17, 2025. Waxaad u baahan doontaa inaad codsato inaad dib u cusboonaysiiso EAD-gaaga si aad ugu kordhiso Maarso 17, 2026.
Maxaa dhacaya haddii codsigayga la sugayo?
Haddii aad haysatid Foomka I-821 ama Foomka I-765 ee la sugayo laga bilaabo Luulyo 22, 2024, uma baahnid inaad mar labaad fayl garayso midkoodna. Haddii USCIS ay oggolaato codsiyadaada la sugayo, hadda waxay jiri doonaan illaa Maarso 17, 2026.
Ogolaanshaha shaqada
Ogolaanshaha shaqada waxaa heli kara dadka qaba TPS waxaana loo yaqaan Dukumentiga Ogolaanshaha Shaqada (EAD). Waxay tusinaysaa loo-shaqeeyayaasha in laguu oggol yahay inaad ka shaqeyso USA.
Waxaad ku codsan kartaa ogolaansho shaqo adoo xereynaya Form I-765, Request for Employment Authorization. Waxaa lagu talinayaa inaad dalbato isla wakhtiga aad codsanayso TPS. Soo xeraynta labada foom ayaa laga yaabaa inay kaa caawiso inaad si dhakhso leh u hesho EAD. Waxa kale oo aad codsan kartaa ka dib.
Haddii aad codsatid EAD cusub inta lagu jiro xilliga diiwaangelinta ee hadda, oggolaanshahaaga shaqadu wuxuu socon doonaa illaa Maarso 17, 2026.
Ogolaanshaha safarka
Ogolaanshaha safarka waxaa heli kara dadka qaba TPS. Waxaa loo yaqaan sii-daynta sharafeed horumarsan. Waxay tusinaysaa saraakiisha socdaalka in laguu oggol yahay inaad u safarto dibadda oo aad dib ugu noqoto USA.
Waxaad ku codsan kartaa ogolaanshaha safarka adoo xereynaya Form I-131. Raac tilmaamaha ku qoran ogaysiiska Diiwaangelinta Federaalka markaad codsanayso ogolaanshaha safarka.
Maxaa dhacaya marka TPS uu dhaco?
DHS waxay dib u eegi doontaa xaaladaha dalka ugu yaraan 60 maalmood ka hor inta aynan dhicin. Waxay go’aansan doonaan inay sii wadaan iyo in kale. Haddii TPS Somalia ay dhacdo, waxaad yeelan doontaa sharci la mid ah socdaalka aad lahayd ka hor inta aadan helin magangelyo ku meel gaar ah.
Haddii aanad lahayn sharci laanta socdaalka ka hor intaadan codsan TPS, waxa laga yaabaa in aad sharci la’aan noqoto. Waxaad codsan kartaa nooc kale oo sharciga socdaalka ah haddii aad u qalanto.
Haddii aad joogtid bilaa sharci, waxaad halis u gali doontaa suuragalnimada in lagu xiro ama lagu masaafuriyo.
Ma bedeli karaa sharcigayga socdaalka?
Waxaad isku mar yeelan kartaa TPS heerka socdaalka kale.
Waxaad codsan kartaa magangelyo (asylum), xaalad joogto ah oo sharci ah (kaarka cagaaran) (lawful permanent status), ama xaalad kale oo la ilaaliyo (other protected status). Haddii aad buuxiso shuruudaha codsiyadaas.
Xagee caawimaad ka heli karaa?
Waa muhiim inaad talo sharci ka raadsato qareen socdaalka ama wakiil la aqoonsan yahay. Waxay kaa caawin karaan inaad codsato oo aad ka hadasho su’aalaha ama walaacyada. Ururo iyo qareeno badan ayaa bixiya adeegyo sharci oo bilaash ah ama qiimo jaban.
Safaaradda Soomaaliya (Embassy of Somalia) waxay bixin kartaa macluumaad dheeraad ah. Waxaad kala xiriiri kartaa safaaradda Soomaaliya lambarka (202) 853-9164 ama waxaad booqan kartaa xafiiskeeda Washington D.C.
Ogow sidaad naftaada uga ilaalin lahayd notarios iyo mareegaha been abuurka ah. Baro waxa la sameeyo haddii lagugu dhacay khiyaano.
Macluumaadka boggani wuxuu ka yimid DHS, USCIS, iyo ilo kale oo la aamini karo. Waxaan hiigsanaa inaan bixino macluumaad si sahlan loo fahmi karo oo si joogto ah loo cusbooneysiiyo. Macluumaadkani maaha talo sharci.
Inbadan oo ka socda USAHello
Looking for specific information?
