सामान्यतया हुने अध्यागमन ठगीबाट बच्न सुझावहरू
- English (अंग्रेजी),
- አማርኛ (अम्हारिक),
- العربية (अरबी),
- မြန်မာစာ (बर्मी),
- 简体中文 (चिनियाँ),
- 繁體中文 (चिनियाँ (परम्परागत)),
- فارسی/دری (फारसी),
- Français (फ्रान्सेली),
- Kreyòl Ayisyen (हाइटियन),
- हिन्दी (हिन्दी),
- پښتو (पश्तो),
- Português (पोर्चुगिज),
- ਪੰਜਾਬੀ (पञ्जाबी),
- Русский (रुसी),
- Af Soomaali (सोमाली),
- Español (स्पेनिस),
- українська (युक्रेनी),
- Tiếng Việt (भियतनामी)
अध्यागमनसम्बन्धी स्क्यामहरू धेरै सामान्य हुन् र यसका धेरै रूपहरू हुन्छन्। तपाईंले आफ्नो सुरक्षा कसरी गर्ने भनेर जान्नु पर्छ। स्क्यामहरू पहिचान गर्ने, जोगिने र रिपोर्ट गर्ने तरिकाबारे सुझावहरू प्राप्त गर्नुहोस्।
कुनै ठगी वा धोखेबाजी त्यतिबेला हुन्छ जब कसैले तपाईंको व्यक्तिगत जानकारी वा पैसा चोर्नको लागि झूट बोल्छ। यो गैरकानूनी हो । दुर्भाग्यवश, ठगी र धोखेबाजी सामान्य भएका छन् ।
धेरै जालसाजीले अध्यागमन लाभहरूको बारेमा गलत जानकारी पनि दिन्छन् । यदि तपाईं निश्चित प्रक्रियाहरूको बारेमा अनिश्चित हुनुहुन्छ भने, तपाईंको स्थानीय अध्यागमन कार्यालय वा कानूनी सेवा प्रदायकलाई सम्पर्क गर्नुहोस् ।
भुक्तानीहरू
धेरैजसो ठगीले अध्यागमन शुल्क भुक्तानीका लागि अनुरोध गर्छन् । अध्यागमन शुल्क र आवेदनहरू संयुक्त राज्य अमेरिका मार्फत परिचालन गरिन्छ । नागरिकता र अध्यागमन सेवा (USCIS) र संयुक्त राज्य अमेरिका राज्य विभाग (DOS), र अध्यागमन समीक्षाका लागि कार्यकारी कार्यालय (EOIR) ।
USCIS ले तपाईंको myUSCIS खाता मार्फत वा तिनीहरूको आधिकारिक लकबक्स स्थानहरू मार्फत वा मेल मार्फत मात्र भुक्तानीहरू स्वीकार गर्नेछ । जब तपाईं अनलाइन आवेदन पूरा गर्नुहुन्छ, तपाईंलाई pay.gov मा शुल्क तिर्न निर्देशन दिइनेछ ।
निम्न कुराहरू USCIS ले कहिल्यै सोध्ने छैन:
- फोन वा इमेल मार्फत भुक्तानी
- बेस्टर्न युनियन, मनी ग्राम वा पे पल जस्ता सेवाहरू मार्फत भुक्तानी
- कसैलाई पैसा पठाउन वा कोही व्यक्तिलाई भुक्तानी गर्न
| USCIS.gov र justice.gov.मा सबै USCIS र EOIR फारमहरू सित्तैमा पाइन्छन् । फारमको लागि कसैले पनि शुल्क लिन पाइँदैन । |
व्यक्तिगत सूचना
ठगी गर्नेहरूले तपाईंको पहिचान र पैसा चोर्नको लागि तपाईंको व्यक्तिगत जानकारी प्राप्त गर्ने प्रयास गर्न सक्छन् । यसमा निम्न कुराहरू पर्न सक्छन्:
- तपाईंको नाम र ठेगाना
- बैंक खाता नम्बर र क्रेडिट कार्ड
- सामाजिक सुरक्षा नम्बर
- मेडिकल विमा नम्बरहरू
यदि कसैले यी विवरणहरूको लागि सोधिरहेको छ भने, सावधान हुनुहोस् । तपाईंले विश्वास गर्ने व्यक्तिलाई मात्र यो जानकारी दिनुहोस् ।
कानूनी ठगी
कुनै अधिवक्ता र DOJ-मान्यताप्राप्त प्रतिनिधिलाई मात्र कानुनी सल्लाह दिने अधिकार दिइएको हुन्छ ।
सार्वजनिक नोटरीहरू
धेरै ल्याटिन अमेरिकी र युरोपेली देशहरूमा, सार्वजनिक नोटरी कानुनी सल्लाह दिनको लागि आधिकारिक इजाजतपत्र प्राप्त वकिलहरू हुन् ।
संयुक्त राज्यअमेरिकामा, नोटरीहरू शपथ लिने र महत्त्वपूर्ण कागजातहरूमा हस्ताक्षर गर्ने साक्षी हुन्छन् । अमेरिकामा नोटरी पब्लिकहरू कुनै पनि कानूनी सेवाहरू प्रदान गर्न प्रशिक्षित वा आधिकारिक हुँदैनन् । संयुक्त राज्य अमेरिकाका नोटरीहरूले तपाईंलाई ठगी गर्न खोजिरहेका छन् जसले:
- कानूनी सेवाहरू प्रदान गर्ने बहाना गर्छन्
- आवश्यक विशेषज्ञता बिना USCIS आवेदनहरू पेश गर्न प्रस्ताव गर्छन्
- झूटा कानुनी सल्लाह दिन्छन् जसले तपाईंको अध्यागमन मामलामा समस्याहरू सिर्जना गर्दछ
सुझाव:
तपाईंले इजाजतपत्र प्राप्त अध्यागमन अधिवक्ता वा मान्यता प्राप्त कानूनी प्रतिनिधिबाट कानुनी सल्लाह प्राप्त गर्नुहुन्छ भन्ने सुनिश्चित गर्नुहोस् । तपाईंले विश्वास गर्न सक्ने कानुनी सेवा प्रदायकहरू कसरी फेला पार्ने भन्ने थाहा पाउनुहोस् ।
ठगी वेबसाइटहरू
कुनै अध्यागमन ठगी वेबसाइटले निर्देशनहरू दिने र USCIS आवेदन दर्तामा सहयोग गर्ने बहाना गर्न सक्छ । ठगीका वेबसाइटहरूले कहिलेकाहीँ आधिकारिक साइटहरू जस्तै देखिने प्रयास गर्नेछन् र उही शैली वा आधिकारिक छाप प्रयोग गर्न सक्छन् । तिनमा टाइप गर्दा हुने अनौठा गल्तिहरु हुन सक्छन् ।
सुझावहरू:
- वेबसाइट “https” ठेगाना र लक आइकन (🔒) भएको सुरक्षित छ भन्ने सुनिश्चित गर्नुहोस् ।
- आधिकारिक सरकारी साइटहरू .gov मा अन्त्य हुन्छन् ।
- आधिकारिक साइटहरू प्रयोग गर्नुहोस्: USCIS.gov, DHS.gov, justice.gov
- आधिकारिक वेबसाइटबाट नि:शुल्क USCIS फारमहरू डाउनलोड गर्नुहोस्
- USCIS-online.org जस्तै मिल्दोजुल्दो ठेगाना भएका साइटहरू प्रयोग नगर्नुहोस्
- नयाँ संस्करण जारी हुँदा आफ्नो फोन र कम्प्युटर प्रणाली अद्यावधिक गर्नुहोस्
- बलियो पासवर्ड र मल्टिफ्याक्टर प्रमाणीकरण प्रयोग गर्नुहोस्
ठगी इमेलहरू
ठगी इमेलहरू धेरै सामान्य भएका छन् । कतिपय ठगी इमेलहरूमा फाइलहरू वा लिङ्कहरू हुन्छन् जसमा क्लिक गर्दा तपाईंको उपकरणमा भाइरस डाउनलोड हुन्छ । तिनीहरूले व्यक्तिगत जानकारी जस्तै, खाता नम्बर वा भुक्तानीका लागि अनुरोध गर्न सक्छन् ।
शंकास्पद इमेलहरूमा निम्न कुराहरू हुन सक्छन्:
- छिटफुट गल्तिहरु जस्तै, तपाईंको नाममा
- अनौठा अक्षरहरू र फरक फरक फन्टहरू
- नक्कली सरकारी वेबसाइटका लिङ्कहरू
सुझावहरू:
- शंकास्पद इमेल नखोल्नुहोस्
- आफूले नचिनेको व्यक्तिको इमेल खोल्दा सावधान रहनुहोस्
- USCIS वा अमेरिकी सरकारका सबै इमेलहरू सधैं .gov मा समाप्त हुन्छन्
- कुनै पनि लिङ्कमा क्लिक नगर्नुहोस्
- गुगल वा लिङ्कहरूमा क्लिक गर्नुको सट्टा वेबसाइट ठेगाना टाइप गर्नुहोस्
- इमेल मार्फत भुक्तानी नगर्नुहोस्
- शंकास्पद इमेलहरूको जवाफ नदिनुहोस्
- USCIS को निर्णय छ भनेर उल्लेख गरिएका कुनै पनि इमेलदेखि सावधान रहनुहोस्
- myUSCIS मा जानुहोस् र तपाईंले सही जानकारी पाइरहेको छ कि छैन भनी जाँच गर्नुहोस् (सबै महत्त्वपूर्ण अपडेटहरू त्यहाँ हुनेछन्)
| [email protected] एक ठगी गर्ने इमेल हो । यस ठेगानाबाट इमेलहरू नखोल्नुहोस् वा यसको कुनै पनि लिङ्कहरूमा क्लिक नगर्नुहोस् । |
ठगी कलहरू
अधिकांश मानिसहरू ठगी कलहरू प्राप्त गर्छन् । तपाईंले फोन उठाउनुहुन्छ भनेर ठगहरूले प्रायः आफ्नो कलर ID लाई तपाईंको क्षेत्रको कोड मिलाउन परिवर्तन गर्छन् । सबैभन्दा सामान्य प्रकारहरू क्रेडिट कार्ड र करहरू बारे हुन्छन् तर कुनै कुनै अध्यागमनको बारेमा हुन सक्छन् ।
एउटा ठगी कलमा निम्न कुराहरू हुन सक्छन्:
- एक अध्यागमन अधिकारी भएको बहाना गर्ने
- व्यक्तिगत जानकारी वा भुक्तानीका लागि अनुरोध गर्ने
- तपाईंको जानकारी गलत छ वा तपाईंले शुल्क तिर्नुपर्छ र तपाईंको बारेमा रिपोर्ट गर्ने धम्की दिने
सुझावहरू:
- USCIS ले फोन मार्फत व्यक्तिगत जानकारी वा भुक्तानी माग्दैन
- यदि तपाईं कुनै कल वास्तविक हो कि होइन भनेर निश्चित हुनुहुन्न भने USCIS वा EOIR सँग जाँच गर्नुहोस्
- आधिकारिक साइटमा एजेन्सी सम्पर्कहरू फेला पार्नुहोस्
- शंकास्पद कलहरू राखिदिनुहोस् र तिनीहरूलाई फेरि कल गर्ने प्रयास नगर्नुहोस्
- अवांछित कलहरू र टेक्स्ट सन्देशहरू रोकिदिनुहोस्
- यदि तपाईंका प्रश्नहरू छन् भने अध्यागमन वकिल वा प्रतिनिधिलाई सम्पर्क गर्नुहोस्
ठगी गर्नेहरूले तपाईलाई सामाजिक सञ्जालमा पनि मानवीय रिहाइ जस्ता आप्रवासन आवेदनमा सहयोग प्रदान गर्न सम्पर्क गर्न सक्छन् । USCIS ले तपाईंलाई फेसबुक, ट्वीटर, लिङ्किड इन, वा अन्य अनलाइन प्लेटफर्महरू मार्फत सम्पर्क गर्दैन ।
अध्यागमनसम्बन्धी अन्य जालसाजीहरू
तल सर्वसाधारणको जानकारीका लागि अधिकारीहरूले तयार पारेको विशेष अध्यागमन ठगीहरुको एउटा सूची छ ।
अफगान व्यक्तिगत जानकारी ठगीहरूले तपाईंलाई अध्यागमन लाभहरू प्राप्तिमा मद्दत गर्न व्यक्तिगत जानकारी दिन अनुरोध गर्न सक्छन् । USCIS ले सामान्यतया तपाईंलाई निश्चित अध्यागमन लाभका लागि अनुमोदन गरिएको छ भनी इमेल पठाउँदैन ।
प्रक्रिया छिटो गराउने ठगीले तपाईंले शुल्क तिर्नु भयो भने तपाईंलाई भिसा, ग्रिन कार्ड, वा वर्क परमिट छिटो दिलाउने वाचा गर्न सक्छ । उनीहरू यसलाई “जम्पिङ द लाइन” भन्छन् । उनीहरूले तपाईंको मुद्दालाई छिटो टुंग्याउनका लागि सरकारमा उनीहरूको सम्पर्क छ पनि भन्न सक्छन् । कसैले पनि प्रकृया पुरा गर्न लाग्ने सामान्य समयभन्दा बढी सेवाहरू छिटो गर्न सक्दैन ।
फारम I-9 इमेल ठगीले USCIS अधिकारीहरू भएको बहाना गर्दै फारम I-9 जानकारीका लागि रोजगारदाताहरूलाई सोध्न सक्छ । रोजगारदाताहरूले USCIS मा फारम I-9 बुझाउनु पर्दैन ।
मानवीय रिहाइ जालसाजहरूले उनीहरूबाट फाइदा लिनका लागि आप्रवासी र प्रायोजकहरूलाई लक्षित गर्न सक्छन् । जालसाजहरूले तपाईंलाई अनलाइन वा सोशल मिडिया मार्फत सम्पर्क गर्न सक्छन् र तपाईंको राहदानी नम्बर वा जन्म मिति जस्ता व्यक्तिगत जानकारी र शुल्कको सट्टामा तपाईंको समर्थक बन्ने प्रस्ताव गर्न सक्छन् । यदि तपाईं प्रायोजक खोज्दै हुनुहुन्छ भने, Welcome Connect प्रयोग गर्नुहोस् ।
२ वर्ष सम्म लाभार्थीहरूलाई आर्थिक सहयोग प्रदान गर्नु प्रायोजकहरूको जिम्मेवारी हुन्छ । लाभार्थीहरूले आफ्नो प्रायोजकका लागि पैसा फिर्ता गर्नु वा काम गर्नु जरुरी छैन । प्रायोजक र लाभार्थीहरूले आवेदन पेश गर्न शुल्क तिर्न पर्दैन ।
मानव बेचबिखन ठगीहरू रोजगारी जालसाजीका परिणाम हुन सक्छन् जसमा विदेशमा वा इमेल मार्फत पठाइएका शङ्कास्पद रोजगारी प्रस्तावहरू पर्छन् । मानव बेचबिखन अन्तर्गत यस्ता अवस्थाहरु पर्दछन् जसमा मानिसहरूलाई काम गर्न बाध्य पारिएको हुन्छ र धम्की, ऋण, र अध्यागमन स्थितिका कारण छोडेर जान असमर्थ हुन्छन् । मानव बेचबिखनबाट बच्न सुरक्षा सुझावहरू खोज्नुहोस् ।
TPS जालसाजीले TPS का लागि पुन: दर्ता गर्ने बारे गलत जानकारी प्रदान गर्दछन् । यस्ता ठगीले तपाईंलाई तपाईंको TPS नवीकरण गर्न फारमहरू र भुक्तानीहरू पेश गर्न अनुरोध गर्न सक्छन् । यस्तो नवीकरण नि:शुल्क हुन्छ । USCIS ले आधिकारिक TPS जानकारी अनलाइन अद्यावधिक नगरेसम्म कुनै पनि फारमको भुक्तानी वा फाइल पेश नगर्नुहोस् ।
भिसा लटरी जालसाजीले तपाईंलाई डाइभर्सिटी भिसा (DV) कार्यक्रमका लागि चयन गरिएको भन्न सक्छ । भिसा लटरी USCISबाट होइन, राज्य विभागद्वारा व्यवस्थित गरिन्छ । भिसा लटरीका लागि छनोट भएको बारे राज्य विभागले तपाईंलाई इमेल पठाउँदैन । भिसा लटरी नि: शुल्क हुन्छ । तपाईंले आवेदन दिन कुनै शुल्क तिर्नुपर्दैन ।
धोखेबाजी र जालसाजी विरूध्द उजुरी गर्नुहोस्
जालसाजीको उजुरी गर्दा तपाईंले मद्दत प्राप्त गर्न सक्नुहुन्छ । यसले गर्दा अरूले पनि त्यस्तै कुराको अनुभव गर्नु नपरोस भन्ने कुरा सुनिश्चित गर्न मद्दत पुग्छ । तपाईं गुमनाम रहेर जालसाजीको उजुरी गर्न सक्नुहुन्छ र आफ्नो नाम दिनु आवश्यक हुँदैन । तपाईं अरू कसैको तर्फबाट पनि उजुरी गर्न सक्नुहुन्छ ।
धोखेबाजी वा जालसाजीबारे विशेष जानकारी सङ्कलन गर्ने कुरामा निश्चित हुनुहोस्:
- घटनाको मिति, समय र स्थान
- संलग्न व्यक्ति वा व्यवसायको नाम र सम्पर्क जानकारी
- उल्लङ्घनको विवरण
रिपोर्ट गर्नुहोस् | जालसाजीको किसिम |
|---|---|
अध्यागमन लाभ जालसाजीहरू | |
अध्यागमनसम्बन्धी जालसाजीहरू | |
अध्यागमन अदालती कारबाही ठगी | |
मानव बेचबिखन जालसाजीहरू | |
संदिग्ध इमेलहरू, वेबसाइटहरू, वा सोशल मिडिया अकाउन्टहरू जसले USCIS सँग आबद्ध भएको दाबी गर्दछन् । | |
सामान्य जालसाजीहरू | |
गुमेको पैसा वा सम्पति | |
धोखेबाजी | |
इन्टरनेट जालसाजीहरू | |
रोजगारदाता ठगी तथा दुरुपयोग |
यदि तपाईंलाई सहयोग चाहिन्छ भने एक विश्वसनीय पारिवारिक सदस्य वा साथीसँग कुरा गर्नुहोस् । यदि कसैले तपाईंलाई धम्की दिइरहेको छ भने थप मद्दत खोज्नुहोस् ।
अन्य गलत जानकारीबाट सावधान रहनुहोस्
हाम्रो वरिपरि धेरै गलत जानकारी फैलिरहेको हुन्छ, विशेष गरी अध्यागमनका विषयमा । अनाधिकृत र गलत सूचनाबाट सचेत रहनुहोस् । अनाधिकृत सूचना भनेको भ्रामक समाचार हुन् । यो तपाईंको विचारलाई प्रभाव पार्ने उद्देश्य हो । गलत सूचनाले जानीजानी तपाईंलाई भ्रममा पार्ने त होइन,तैपनि तपाईंलाई गलत जानकारी नै दिन्छ ।
सुझावहरू:
- तपाईंका समाचार र जानकारी कहाँबाट आउँदैछन् ध्यान दिनुहोस् ।
- सामाजिक सञ्जालमा प्राप्त सूचनादेखि सावधान रहनुहोस्
- लेख वा पोस्ट भित्र मौलिक स्रोतको जाँच गर्नुहोस्
- तिनीहरू विश्वसनीय छन् कि छैनन् भनेर हेर्नका लागि लेखक तथा संगठनका बारेमा पढ्नुहोस्
- अरु स्रोतबाट जानकारी प्रमाणित गर्नुहोस्
यस पृष्ठमा भएका जानकारी USCIS, FTC, DOJ, USA.gov, र अन्य विश्वसनीय स्रोतहरूबाट प्राप्त जानकारी हुन्। हामी नियमित रूपमा अद्यावधिक गरिने बुझ्न सजिलो जानकारी प्रदान गर्नमा लक्षित छौँ। यो जानकारी कानुनी सल्लाह होइन।
अधिक USAHello बाट
Looking for specific information?
