د امریکا قانون

دلته ځینې معلومات شته چې د مهاجرینو او کډوالو سره ددوی په خوندي پاتې کیدو کې مرسته کوي. په متحده ایالاتو کې، د مهاجرو او کډوالو ډېری ټولني د ویرې او ګواښ احساس کوي. که تاسو فکر کوئ چې په خطر کې ياست بايد څه وکړئ.

ښه خبره داده چې بايد په دې ځان پوه کړئ چې په بېړنيو حالاتو کې بايد څه وکړئ. په دې پوهیدل چې څه وخت بايد پولیسو ته زنګ ووهئ مهمه خبره ده. تاسو پوليسو ته ددې لپاره زنګ وهلای شئ چې د خپل ځان د ساتني مرسته ترې وغوائ يا هم د يو ښه هيوادوال په توګه د پوليسو سره مرسته وکړئ. تاسو کولای شئ د متحده ايالاتو په هرځای کې له هر تليفون څخه د 911 شمېرې په ډایل کولو سره پولیسو ته زنګ ووهئ.

کله چې تاسو د ژوند کولو لپاره متحده ایالاتو ته راشئ، کېدای شي تاسو به د ټولو قوانینو او مقرراتو سره بلد نه ياست. دلته په زرګونو قوانین شته! هر ايالت ځان ته خپل قوانین هم لري. دلته د متحده ایالاتو ځینې قوانین شته چې بايد ځانونه پرې پوه کړئ، ترڅو تاسو په غلطۍ سره قانون مات نه کړئ.

که چیرې تاسو د پولیسو یا کډوالۍ چارو د افسر لخوا ودرول شي یا د پولیسو لخوا ونیول شي، نو دا مهمه ده چې بايد خپل حقونه وپیژنئ. که د قانون پلي کونکو مسؤولينو لخوا ستاسو څخه پوښتني کېږي، نو د مهرباني او درناوي ډک چلند کوئ. هېڅکله دروغ مه وایاست، استدلال، مقاومت او تېښته مه کوئ.

امریکایان د حیواناتو، ځنګل ساتلو او د ژوبڼونو جوړولو لپاره ډیرې پیسې لګوي. د دوی په فارمونو او څړځايونو کې څاروي روزل کېږي ترڅو خواړه تولید کړي. او ډیری امریکایان کورني حيوانان ساتي، معمولا پیشوګانې او سپي د خپلي کورنۍ د یوې برخې په توګه ساتي. په هرصورت، له جريمې څخه د ځان ساتلو په خاطر او په دې خاطر چې خدای مه کړه ستاسو څخه خپل اهلي حيوانات وانه خيستل شي د څارویو او اهلي حيواناتو په اړه ځینې مقررات شته چې بايد عملي يې کړئ.