ستاسو حقوق

ایا تاسو په متحده ایالاتو کې خپل حقونه پیژنئ؟ که تاسو کډوال یاست، تاسو خپل مدني، بشري او قانوني حقونه لرئ. که څه هم تاسو د استوګني اسناد نه لرئ يا په توقيف کې ياست بيا هم تاسو له دې حقونو څخه برخمن ياست. د خپلو حقونو په اړه معلومات ترلاسه کړئ.

پناه غوښتونکي، کډوال، قانوني دایمي اوسیدونکي (د ګرين کارټ لرونکي) او د متحده ایالاتو اتباع ټول ددې حق لري چې په وقار او درناوي چلند ورسره وشي. په متحده ایالاتو کې موږ ټول خپل حقوق لرو. دا معلومات د دې لپاره دي چې د يو پناه غوښتونکي په توګه ستاسو د حقونو په پېژندلو کې درسره مرسته وکړي. د دې پاڼې په آخر کې به تاسو په نیپالي، سومالي، فرانسوي او عربي ژبو د دې معلوماتو لینکونه ترلاسه کړئ.

پر غلطو خلکو باور کول کېدای شي لویې ستونزې رامینځ ته کړي، په ځانګړي توګه هغه وخت چې کله تاسو د کډوالۍ پروسه پرمخ بيايئ. د کډوالۍ په چارو کې د عمومي درغليو په اړه او دا چې څنګه ځان له دې درغليو څخه بچ کړئ په اړه يې ډېر څه زده کړئ.

ایا تاسو د کډوالۍ د غوښتنلیک یا د پناه غوښتنې په پروسه کې مرستې ته اړتیا لرئ؟ د کډوالو او بېځايه شويو لپاره د وړیا یا د ټيټ لګښت قانوني سرچینې ومومئ.

ایا تاسو يو کډوال یا پناه غوښتونکي یاست؟ ایا تاسو غواړئ له متحده ایالاتو څخه بهر سفر وکړئ؟ تاسو به متحده ایالاتو ته د بیرته راستنیدو لپاره د کډوالۍ اړوند د سفر اسنادو ته اړتیا ولرئ. ډیری کډوال او پناه غوښتونکي کولای شي د سفر لپاره د پاسپورټ پر ځای د کډوالۍ له سفري اسنادو څخه استفاده وکړي.