د رواني روغتیا سرچینې او خدمات

رواني روغتیا ستاسو پر فکر او احساس اغیزه کوي. د رواني روغتیايي ستونزو او د بېلابېلو رواني ناروغيو په اړه ډېر څه زده کړئ. د رواني روغتیا او رواني ناروغيو په اړه پوهاوی به ستاسو سره دا مرسته وکړي چې په دې پوه شئ چې په هغه صورت کې که تاسو یا یو بل څوک چې تاسو يې پیژنئ د رواني روغتیايي ستونزو سره مخ شي بايد څه وکړئ.

په متحده ایالاتو کې د خلکو لپاره دا ډېره عامه ده چې د رواني روغتیا د خدماتي مرکزونو او مسلکي اشخاصو څخه مرسته او درملنه ترلاسه کړي. هیڅوک باید د ځان او یا د کورنۍ د غړي لپاره د درملنې په موندلو کې شرم يا ویره ونه کړي. ډاکټران او نور طبي متخصصین د رواني روغتیايي پاملرنې بېلابېل خدمات چمتو کوي. د مختلفو ډاکټرانو او درملنې په اړه ډېر څه زده کړئ. دا معلومه کړئ چې رواني روغتیايي خدمات بايد چيري ترلاسه کړئ.

څنګه چې تاسو غواړئ د نوي کلتور سره ځان عادت کړئ، تاسو ممکن د داسي بېلابېلو وختونو څخه تېر شئ چې په هغه کې به تاسو بېل او مختلف احساس کوئ. ددې پروسې یوه برخه د “کلتوري ګوزار” په نوم پیژندل کیږي. د کلتوري ګوزار په اړه پوهیدل به ستاسو سره دا مرسته وکړي چې مختلف احساسات ومنئ او ددې احساساتو سره ځان عادت کېدل به درته اسانه کړي.

د ټروما يا صدمې-وروسته فشاري اختلال په لنډ ډول د PTSD په نوم یادیږي. PTSD د ناوړه یا فشار لرونکو پیښو د واقع کېدو پر مهال رواني او عاطفي تاثيرات رامینځ ته کوي. د ټروما يا صدمې-وروسته فشاري اختلال په اړه نور معلومات ترلاسه کړئ.

ډیری خلک کېدای شي په څه ناڅه خپګان اخته وي. لږ خپګان هغه مهال وي چې کله تاسو د خوابدۍ احساس کوئ یا مو کار کولو ته زړه نه غواړي. خو که دا له دوو اونیو څخه زیات دوام وکړي، په دې صورت کې کېدای شي تاسو په ژور خپګان اخته ياست.