Jinsi ya kuomba hifadhi Marekani
Hifadhi ni aina ya ulinzi unaokuwezesha kukaa Marekani. Pata taarifa za hivi karibuni kuhusu kutafuta hifadhi Marekani. Fahamu kama unastahiki na jinsi ya kuomba. Elewa jinsi ya kujiandaa kwa mahojiano.
Muhimu: Kumewekwa sera mpya ambazo zinafanya kutafuta hifadhi kwenye mpaka wa Marekani na Mexico kuwa vigumu zaidi. Fahamu zaidi.
Hifadhi ni nini?
Hifadhi ni aina ya ulinzi unaokuwezesha kukaa Marekani ikiwa umeteswa au unahofia kuteswa katika nchi yako ya asili kwa sababu ya mbari yako, dini yako, utaifa wako, ushiriki wako katika kikundi fulani cha kijamii, au maoni yako ya kisiasa.
Ukipewa hifadhi, unaweza:
- Kukaa Marekani kihalali ukiwa na ulinzi dhidi ya kuwekwa kizuizini na kufukuzwa nchini
- Kuomba hifadhi kwa mwenzi wako na watoto
- Kustahiki kiotomatiki kibali cha kufanya kazi nchini Marekani
- Kumba kadi ya ‘social security’, hati za kusafiria, Green Card na uraia
- Kuwa na ustahiki wa kupata huduma za makazi mapya kwakipindi fulani cha muda, ikiwemo usaidizi wa kifedha na matibabu, masomo ya Kiingereza, ajira, na huduma za afya ya akili.
Mateso ni nini?
Mateso ni pale unapotendewa vibaya kwa sababu ya mbari yako, dini, utaifa, kikundi cha kijamii, au maoni yako ya kisiasa. Hii inaweza kujumuisha madhara, vitisho, kufuatiliwa au kutazamwa mara kwa mara, kukamatwa bila haki, kuteswa, au kunyimwa haki za kimsingi kama vile uhuru wa kuongea au kuabudu kwa dini yako. Imanaanisha kuhisi hupo usalama na maisha au uhuru wako upo hatarini ukikaa nchini mwako.
Matakwa ya hifadhi
Unaweza kutafuta hifadhi ikiwa tu:
- Unaogopa mateso katika nchi yako
- Tayari upo nchini Marekani
- Uliwasili Marekani chini ya mwaka mmoja uliopita (si kwa watu wote)
- Bado hujapata makazi mapya katika nchi nyingine
- Hujafanya uhalifu wa aina fulani au unachukuliwa kuwa tishio kwa usalama au ulinzi wa Marekani
Kuomba hifadhi
Unapaswa kuomba hifadhi ndani ya mwaka mmoja baada ya kuwasili Marekani isipokuwa kama unakidhi hali maalum. Hakuna gharama au ada ya maombi. Hatua utakazochukua ni tofauti kulingana na ikiwa unatafuta hifadhi ya uthibitisho, hifadhi ya utetezi, au ulikuwa na uchunguzi chanya wa hofu sadikifu.
Kuna njia 3 za kupata hifadhi nchini Marekani:
Hifadhi ya uthibitisho [affirmative asylum]
Mchakato wa uthibitisho ni kwa watu wasio katika taratibu za kufukuzwa au kuondolewa. Afisa hifadhi wa Huduma za Uraia na Uhamiaji Marekani (USCIS) ndiye hukagua na kuamua kesi za uthibitisho.
Mahojiano ya ustahiki wa hifadhi [asylum merit interview]
Hii ni kwa wenye kesi za kuondolewa kwa haraka na walipata ubainifu chanya katika uchunguzi wao wa hofu sadikifu. Afisa hifadhi wa USCIS ndiye hukagua na kuamua kesi hizi.
Hifadhi ya utetezi [defensive asylum]
Mchakato wa utetezi ni kwa watu walio katika taratibu za kufukuzwa au kuondolewa nchini mbele ya hakimu wa uhamiaji wa Ofisi Kuu ya Ukaguzi wa Uhamiaji (EOIR). Jaji ndiye hupitia na kuamua kesi za utetezi.
You must apply for asylum within one year of arriving in the USA unless you meet an exception. There is no cost or fee to apply. The steps you take will be different depending on if you are seeking affirmative asylum, defensive asylum, or had a positive credible fear screening.
Unaweza kuwekwa katika taratibu za kuondolewa ikiwa:
- Idara ya Forodha na Ulinzi wa Mipaka ya Marekani (CBP) inadai kwamba uliingia Marekani bila hati sahihi
- Idara ya Uhamiaji na Ushurutishaji wa Forodha Marekani (ICE) ilikukamata ndani ya Marekani kwa kutokuwa na hadhi halali ya kisheria
- Hifadhi yako ya uthibitisho haikuidhinishwa
Unahitaji hati zinazoonesha uthibitisho wa utambulisho na utaifa wako, picha, tamko la maandishi, na ripoti za hali ya nchi. Utahitaji kutoa tafsiri zilizoidhinishwa za hati zozote ambazo hazipo kwa Kiingereza.
Y
Ndio. Hata hivyo, ukitafuta ulinzi nchini Marekani na kuingia kupitia lango la kuingia nchini (port of entry) unakuwa chini ya sheria mpya ambayo inaweza kukufanya usistahiki kupata hifadhi. Unaweza kustahiki aina ndogo zaidi za ulinzi kama vile Zuio la Kuondolewa (WR) na ulinzi chini ya Mkataba Dhidi ya Mateso (CAT).
Sheria hii mpya inaitwa “marufuku ya kuomba hifadhi.” Pia inazuia ni nani anayeweza kwenda lango la kuingia nchini ili kutafuta ulinzi bila kuwa na miadi ya CBP One.
Serikali ya Marekani ilipitisha sheria hii ili kuzuia watu kuvuka lango la kuingia nchini, kuondoa wale wasio na ustahiki wa kulindwa kwa haraka, na kuhimiza kutumia app ya CBP One.
Sheria hii haiathiri vikundi fulani. Bado unaweza kwenda lango la kuingia nchini na bado unaweza kustahiki hifadhi ikiwa una:
- Mtoto asiye na msindikizaji
- Mhanga wa biashara haramu ya binadamu
- Mtu mwenye miadi ya CPB
- Katika hatari kubwa
Yeyote aliyeidhinishwa kuingia Marekani anaweza kuingia wakati wowote katika lango la kuingia nchini. Hii inajumuisha raia wa Marekani, wakazi halali wa kudumu, na wageni wenye visa halali au ruhusa ya kisheria ya kuingia Marekani.
Marufuku hii ya kutafuta hifadhi huwekwa pale idadi ya wanaovuka kila siku inapofika 2,500. Nambari hii mara nyingi inafikiwa, kwa hiyo tarajia sheria hii kutumika mara kwa mara. Sheria hii humamishwa pale uvukaji ukipungua, ambayo inaweza kuchukua wiki kadhaa.
Huwezi kutafuta hifadhi mpakani mwa Marekani na Canada ikiwa uliingia kupitia Canada kwanza isipokuwa kama unakidhi hali ya kipekee. Hii inaitwa sheria ya ‘Safe Third Country’. Sheria hii inakutaka utume ombi la hifadhi katika nchi yoyote utakayofika kwanza (Marekani au Canada). Pata maelezo zaidi kuhusu sheria hii.
In some cases, you might be able to apply after being in the U.S. for one year. If you missed the deadline, you must meet strict requirements:
- Mabadiliko ya hali halisi katika nchi yako ya asili
- Shughuli unazojihusisha nazo ambazo zinabadilisha hofu yako ya kuteswa
- Hapo awali alikuwa tegemezi kwenye ombi la hifadhi linalosubiri la mtu mwingine
- Ugonjwa mbaya au ulemavu wa akili au kimwili uliharibu uwezo wako wa kutuma ombi ndani ya mwaka mmoja
- Ulemavu halali kisheria, kama vile hali yako kama mtoto asiye na msindikizaji au ulikuwa na matatizo ya kiakili.
- Ulishauriwa kimakosa na mwanasheria wako
- Wasamehewa wa Afghanistan wanaweza kufuzu ukomo wa ombi wa mwaka 1
| Mchakato wa kupata hifadhi ni mgumu sana. Ni muhimu kupitia chaguzi zako za usaidizi wa kisheria. Mashirika na wanasheria wengi hutoa huduma na usaidizi wa kisheria bila malipo au kwa gharama nafuu. Utakuwa na nafasi nzuri ya kupata hifadhi ukimtumia wakili wa uhamiaji au mwakilishi wa uhamiaji aliyeidhinishwa. Wanaweza kukusaidia kujaza ombi lako na kujiandaa na mahojiano au usikilizaji wa shauri. |
Mchakato wa hifadhi ya uthibitisho
Unapaswa kuwa Marekani au katika lango la kuingia nchini ili kuomba hifadhi. Lango la kuingia nchini inaweza kuwa uwanja wa ndege, bandari, au mpakani. Ikiwa haupo katika taratibu za kuondolewa, unaweza kuomba hifadhi ya uthibitisho moja kwa moja kupitia Huduma za Uraia na Uhamiaji Marekani (USCIS).
Unahitaji kujaza na kuwasilisha Fomu I-589.
Unaweza kuorodhesha mume, mke, au watoto wako ambao hawana ndoa walio chini ya miaka 21 kama wategemezi katika ombi lako ikiwa wapo Marekani. Watapata uamuzi sawa katika kesi ya kuomba hifadhi kama wewe.
Wanaweza pia kuomba kivyao ikiwa waliteswa au wanahofia kuteswa. Mwanasheria atakusaidia kuamua ipi ni bora. Watoto wenye zaidi ya miaka 21 au watoto wenye ndoa wanapaswa kuwasilisha maombi ya kuomba hifadhi kivyao.
- Afisa hifadhi wa USCIS atakagua ombi lako na kukutumia notisi ya kulipokea.
- Kwa sasa kuna ucheleweshaji katika kuthibitisha upokeaji. Kwa madhumuni ya ukomo wa mwaka mmoja wa kuwasilisha maombi, vipaumbele vya ratiba ya mahojiano kuhusu kuomba hifadhi, na ustahiki wa Hati ya Idhini ya Ajira, tarehe yako ya kuwasilisha bado itakuwa tarehe ambayo USCIS ilipokea Fomu yako ya I-589.
- Utapokea notisi ya miadi ya kuchukua alama za vidole katika Kituo cha Usaidizi wa Maombi (ASC) kilicho karibu nawe.
- Utapokea notisi ya kukupa miadi ya mahojiano yako na afisa hifadhi katika ofisi ya USCIS iliyo karibu nawe.
Unaweza kuangalia hali ya ombi lako mtandaoni kwa kuweka nambari yako ya upokeaji.
Unaweza kuiomba USCIS iharakishe mahojiano yako ya kuomba hifadhi ili yashughulikiwe kwa haraka ikiwa unakidhi matakwa fulani kama vile tatizo kubwa la kifedha.
USCIS inawahoji waombaji wapya kwanza na kurudi katika orodha ya maombi ya zamani. Mpangilio wa miadi ni:
- Waombaji ambao awali walipangiwa miadi ya mahojiano, lakini ilibidi waahirishe kwa sababu fulani.
- Maombi ambayo yamesubiri kwa siku 21 au chini ya hapo.
- Maombi mengine yote ya uthibitisho ambayo yanasubiri, yakianza maombi mapya zaidi na kurudi katika maombi ya zamani.
Afisa hifadhi atakagua ombi lako la kuomba hifadhi na kukuuliza maswali kuhusu hofu yako ya kurudi katika nchi yako. Mwanasheria anaweza kukusaidia kujiandaa na kuwepo kwenye mahojiano yako. Fahamu nini cha kutarajia katika mahojiano ya kuomba hifadhi ya uthibitisho.
Ikiwa unahitaji usaidizi wa lugha, njoo na mkalimani katika mahojiano ya kuomba hifadhi. Mkalimani lazima awe na miaka 18 au zaidi. Mkalimani wako lazima awe anajua vizuri Kiingereza na lugha yako. Mkalimani wako hapaswi kuwa na kesi ya kuomba hifadhi inayosubiri. Mwanasheria au mwakilishi aliyeidhinishwa, shahidi, na yeyote anayehusika katika kesi yako hawezi kuwa mkalimani wako.
Sheria inaelekeza USCIS kutoa uamuzi kuhusu kesi za kuomba hifadhi ndani ya siku 180 baada ya kupokea maombi. Huenda ukahitaji kusubiri kwa muda mrefu zaidi kutokana na mrundikano wa sasa wa maombi. Kesi nyingi za kuomba hifadhi zinasubiri kushughulikiwa.
USCIS itakujulisha lini unaweza kupokea uamuzi wako katika ofisi ya kuomba hifadhi ambayo ilikufanyia mahojiano. USCIS inaweza kutuma uamuzi wako nyumbani ikichukua muda mrefu kushughulikia ombi lako.
Wakati unasubiri uamuzi, unapaswa:
- Kuomba kibali cha kufanya kazi. Ikiwa wewe ni mtafuta hifadhi unayesubiri, lazima usubiri siku 150 kabla ya kutuma ombi.
- Kuepuka kusafiri nje ya Marekani isipokuwa kwa dharura. Ikiwa utalazimika kuondoka nchini, utahitaji kuwasilisha Fomu I-131 kwa USCIS ili uweze kuingia tena Marekani. Huenda usiruhusiwe kurejea nchini.
Ndio. Ikiwa umenyimwa hifadhi, unaweza kumwomba jaji apitie uamuzi uliotolewa na afisa hifadhi dhidi yako. Hii itakuweka katika mchakato wa kuomba hifadhi ya utetezi. Jaji wa uhamiaji atakagua kesi yako na kutoa uamuzi mpya.
Mchakato wa uchunguzi wa hofu sadikifu
Iwapo utawekwa katika taratibu za kuondolewa haraka na tuseme unataka kuomba hifadhi, utapelekwa USCIS kwa ajili ya uchunguzi wa hofu sadikifu.
Afisa hifadhi wa USCIS atakufanyia mahojiano ili kubaini kama una hofu sadikifu ya kuteswa au mateso. Anaweza kukuhitaji kwa mahojiano ya pili yanayoitwa Mahojiano ya Ustahiki wa Hifadhi au kukupeleka kwa hakimu wa uhamiaji kwa ajili ya mchakato wa kuomba hifadhi ya utetezi.
Mahojiano ya ustahiki wa hifadhi
Ikiwa una Mahojiano ya Ustahiki wa Hifadhi, atazingatia kama unastahiki ulinzi chini ya Mkataba Dhidi ya Mateso (CAT). Akiamua ya kwamba una ustahiki, utapewa hifadhi. Rekodi ya maandishi ya uamuzi chanya wa hofu sadikifu itatumika kama ombi lako la kuomba hifadhi. Hutahitajika kuwasilisha Fomu I-589.
Mchakato wa kuomba hifadhi ya utetezi
Ikiwa upo katika kituo cha kuzuiliwa wahamiaji cha Marekani au taratibu za kuondolewa, unaweza kuomba hifadhi ya utetezi kwa hakimu wa uhamiaji. Ikiwa huna ombi la hifadhi tayari kwenye faili, unapaswa kujaza na kuwasilisha Fomu I-589.
Kesi yako itakuwa hifadhi ya utetezi ikiwa:
- umewekwa katika taratibu za kuondolewa baada ya USCIS kukunyima hifadhi ya uthibitisho
- ulipaswa kuondolewa kwa haraka, ulionekana kuwa na hofu sadikifu, na ulipewa Notisi ya Kutokea (badala ya Mahojiano ya Ustahiki wa Hifadhi)
- umewekwa katika taratibu za kuondolewa na ICE au CBP kwa ukiukaji wa uhamiaji
Mchakato wa kupata hifadhi ni mgumu sana. Ni muhimu kupitia chaguzi zako za usaidizi wa kisheria.
- Jaji wa uhamiaji wa EOIR atakagua ombi lako na kukutumia notisi ya kuipokea.
- Utapokea notisi ya miadi ya kuchukua alama za vidole katika Kituo cha Usaidizi wa Maombi (ASC) kilicho karibu nawe.
- Utapokea notisi ya kusikilizwa na hakimu wa uhamiaji ili kuwasilisha ombi lako la hifadhi.
Unaweza kuangalia hali ya kesi yako ya mahakamani mtandaoni au kwa kupiga simu ya EOIR kupitia 1 (800) 898-7180.
VIDOKEZO: Hakikisha unaenda kwenye miadi yako yote ya ICE na usikilizaji wa mashauri yako mahakamani wa EOIR.
Ukihama, tuma fomu ya badiliko la anwani kwa ICE na EOIR ndani ya siku 5 baada ya kuhama.
Usikilizaji wa mtu binafsi au ustahiki ni wakati hakimu anaposikiliza suala lako. Mwanasheria wako na mwanasheria wa ICE watakuuliza maswali. Unaweza pia kuruhusu mashahidi wazungumze kwa niaba yako.
Utapewa mkalimani ikiwa hujui Kiingereza vizuri.
Sheria inaelekeza EOIR kutoa uamuzi kuhusu kesi za hifadhi ndani ya siku 180 baada ya kupokea maombi. Huenda ukahitaji kusubiri kwa muda mrefu zaidi kutokana na mrundikano wa sasa wa maombi. Kesi nyingi za kuomba hifadhi zinasubiri kushughulikiwa.
Jaji wa uhamiaji anaweza kutoa uamuzi wake mwishoni mwa usikilizaji wa shauri lako la mwisho. Jaji wa uhamiaji anaweza kuchagua kukutumia kwa njia ya posta uamuzi wa maandishi punde tu baada ya usikilizaji wa shauri lako la mwisho.
Ndio. Unaweza kukata rufani dhidi ya uamuzi wa jaji wa uhamiaji kwenye mahakama ya juu zaidi inayoitwa Bodi ya Rufani za Uhamiaji (BIA). Unapaswa kuwasilisha Fomu EOIR-26, Notisi ya Rufani, ndani ya siku 30 tangu tarehe ya uamuzi wako. Mwanasheria wa uhamiaji au mwakilishi aliyeidhinishwa anaweza kukusaidia kwa hili.
Ikiwa huna ustahiki wa kupewa hifadhi, unaweza kuangalia kama una ustahiki wa hali nyingine ya uhamiaji.
Hatua zinazofuata baada ya kupewa hifadhi
- Pata usaidizi wa huduma za makazi mapya.
- Omba kadi ya ‘social security’.
- Pata leseni ya udereva au kitambulisho cha serikali.
- Tafuta kazi. Unaweza kufanya kazi bila kulazimika kuomba kibali cha kazi au EAD.
- Kusafiri nje ya Marekani Lazima kwanza uombe kibali cha kusafiri. Wasilisha Fomu I-131 kwa USCIS kabla ya safari yako. Hati ya kusafiri ni halali kwa mwaka mmoja.
- Omba mwenzi wako na watoto wasio na ndoa walio chini ya miaka 21 waje Marekani Fahamu zaidi kuhusu kuunganisha tena familia.
- Omba Green Card mwaka mmoja baada ya kupata hifadhi.
- Omba uraia miaka 4 baada ya kupokea ukazi halali wa kudumu (Green Card).
Elewa jinsi ya kujilinda dhidi ya wanasheria feki (notarios) na tovuti bandia. Fahamu nini cha kufanya ikiwa umekuwa mhanga wa ulaghai.
Taarifa kwenye ukurasa huu umetoka kwa DHS, USCIS, na vyanzo vingine vinavyoaminika. Malengo yetu ni kutoa taarifa zilizo rahisi kuelewa na zinazosasishwa mara kwa mara. Taarifa hii si ushauri wa kisheria.
More from USAHello
Je, unatafuta taarifa mahususi?
