Marufuku ya kusafiri na sheria mpya: unachopaswa kujua

Je, marufuku ya kusafiri ni nini?

Mnamo Juni 4, 2025, utawala wa Trump ulitangaza marufuku mpya ya kusafiri inayozuia au kuweka vikomo vya kuingia Marekani kwa watu kutoka baadhi ya nchi.

Mnamo Desemba 16, 2025, nchi zaidi ziliongezwa kwenye orodha hii au sasa zitakuwa chini ya vizuizi vikali zaidi. Nchi hizi zimewekwa alama ya nyota (*). Vikwazo hivi vilianza mnamo Januari 1, 2026.

Kuna aina mbili za vikwazo: marufuku kamili ya kusafiri na marufuku ya kusafiri kwa sehemu fulani.

1. Marufuku kamili ya kusafiri kwa nchi 20

Watu kutoka nchi na maeneo haya hawaruhusiwi kuingia Marekani isipokuwa ikiwa wanakidhi vigezo vya hali maalum:

1. Afghanistan
2. Burkina Faso*
3. Burma
4. Chad
5. Jamhuri ya Kongo
6. Guinea ya Ikweta
7. Eritrea
8. Haiti
9. Iran
10. Laos*
11. Libya
12. Mali*
13. Niger*
14. Wamiliki wa hati za kusafiri zilizotolewa na Mamlaka ya Palestina*
15. Sierra Leone*
16. Somalia
17. Sudan Kusini*
18. Sudan
19. Syria*
20. Yemen

Hali maalum (kumaanisha kuwa unaweza bado kuingia) ni pamoja na:

• Ikiwa unatoka kwenye nchi iliyo kwenye orodha marufuku ya kusafiri ya Juni 2025 (bila alama ya nyota *) na una visa halali au ulikuwa nchini Marekani kufikia Juni 9, 2025
• Ikiwa unatoka kwenye nchi iliyo kwenye orodha ya marufuku ya kusafiri ya Januari 2026 (yenye alama za nyota *) na una visa halali au ulikuwa nchini Marekani kufikia Januari 1, 2025
• Watu wenye Green Card (Wakazi halali wa kudumu)
• Raia wenye uraia wa nchi mbili wanaosafiri kwa kutumia pasipoti ya nchi ambayo haiko kwenye orodha
• Wamiliki fulani wa visa za kidiplomasia na rasmi (A, G, NATO)
• Baadhi ya makundi ya kidini au kikabila madogo kutoka Iran
• Wanariadha na wafanyakazi wao wanaohudhuria matukio makubwa ya kimataifa

Baadhi ya mambo ya kujua:

•  Ikiwa unatoka katika mojawapo ya nchi zilizopigwa marufuku kusafiri na uondoke nchini Marekani, huenda usiruhusiwe kurudi. Hata kama una idhini maalum (kwa mfano, una Green Card), unaweza kukumbana na matatizo unapojaribu kuingia tena nchini Marekani.
•  Ukisafiri kwenda mojawapo ya nchi hizi (hata kama hutoki katika nchi hiyo), unaweza kukumbana na uchunguzi wa ziada au matatizo ya kuingia tena, hasa kama wewe si raia wa Marekani.
• Aina za visa zilizojumuishwa kwenye marufuku (kumaanisha kuwa haziwezi kutumika kuingia) ni pamoja na: 
  • Visa za F2A na F2B (wenzi wa ndoa na watoto wa wamiliki wa Green Card)
  • Washindi wa visa anuai (DV)
  • Visa za msingi wa ajira (H, L, O, n.k.)
  • Viza za wanafunzi na wageni (F, M, J, B)
  • Visa za mchumba za K-1
• Kesi za kufuata kujiunga (I-730) kwa waomba hifadhi na wakimbizi zinaweza kuendelea. Kesi nyingi za wanaofuata kujiunga za mhifadhiwa zinachakatwa nje ya nchi na wataruhusiwa kusafiri, lakini wanufaika sharti wagharamie wenyewe uchunguzi wa kitabibu na gharama za kusafiri. Hata hivyo, kesi za fuata kujiunga za mhifadhiwa kutoka nchi zilizotajwa katika nchi zenye marufuku ya kusafiri zinakataliwa baada ya mahojiano ya kibalozi. Kesi nyingi za wakimbizi za fuata kujiunga bado zimesitishwa nje ya nchi. Kusafiri kwenda Marekani pia kumesitishwa. 
• Waombaji wa SIV wa Afghan, baadhi ya kesi za SIV zinazohusishwa na serikali ya Marekani, na ndugu wa karibu wa raia wa Marekani sasa wamejumuishwa katika marufuku iliyopanuliwa ya usafiri. Makundi haya hayana tena upendeleo maalum. Serikali ya Marekani itaruhusu tu upendeleo katika visa vichache sana.
• Watu wa Afghan ambao tayari wana SIV iliyoidhinishwa au visa nyingine halali bado wanaweza kusafiri kwenda Marekani kwa sasa.

2. Vikwazo kwa sehemu fulani kwa nchi 20

Baadhi ya wasafiri kutoka nchi hizi bado wanaweza kuingia Marekani, lakini aina fulani za visa zimewekewa vikwazo:

1. Angola*
2. Antigua na Barbuda*
3. Benin*
4. Burundi
5. Cote d’Ivoire*
6. Cuba
7. Dominika*
8. Gabon*
9. Gambia*
10. Malawi*
11. Mauritania*
12. Nigeria*
13. Senegal*
14. Tanzania*
15. Togo
16. Tonga*
17. Turkmenistan
18. Venezuela
19. Zambia*
20. Zimbabwe*

Marufuku ya Turkmenistan sasa inawazuia raia wa Turkmen kuingia kwa kutumia visa za wahamiaji. Marufuku ya visa za wageni wa Turkmen itaondolewa.  Laos na Sierra Leone zilikuwa na vikwazo kwa sehemu fulani, lakini kuanzia Januari 1, 2026, zitakuwa na chini vizuizi kamili.

Vikwazo vya sehemu inamaanisha:

• Hakuna visa mpya za wahamiaji (za kuingia Marekani kama mkazi halali wa kudumu)
• Hakuna visa zisizo za wahamiaji katika kategoria za B, J, F, au M
• Muda mfupi wa ustahiki wa visa kwa kategoria zingine zisizo za wahamiaji
• Muda mrefu zaidi wa uchunguzi na uchakataji
• Hati za ziada au mahojiano
• Maswali zaidi kwenye uwanja wa ndege au mpakani
• Wamiliki wa Green Card kutoka nchi hizi hawapaswi kuathirika

Je, maombi ya USCIS yamesitishwa kwa watu kutoka nchi zilizopigwa marufuku ya kusafiri?

Hapana. USCIS iliunda sera za ziada zilizositisha au kuongeza ukaguzi wa ziada kwa kesi fulani za uhamiaji. Mahakama ya shirikisho iliamua kwamba sera hizi ni kinyume cha sheria. Mnamo Julai 15, 2026, mahakama ilikataa kurejesha sera hizo huku serikali ikikata rufaa.

• Mahakama iliamua kwamba sharti USCIS iendelee kushughulikia na kuamua kesi zilizoathiriwa, ikiwa ni pamoja na maombi mengi ya hifadhi, vibali vya kazi, Green Card, na uraia. Uamuzi huo pia unazuia sera zilizohitaji USCIS kukagua upya idhini fulani za awali au kuchukulia nchi ya asili ya mtu kama jambo hasi.
• Ikiwa kesi yako ilicheleweshwa au kukaguliwa chini ya sera hizi:
• Angalia akaunti yako ya USCIS na akaunti yako ya baruapepe yako kwa taarifa mpya.
• Sasisha anwani yako na USCIS.
• Jibu taarifa na uhudhurie miadi iliyopangwa.
• Zungumza na mwanasheria wa uhamiaji au mwakilishi aliyeidhinishwa kuhusu kesi yako.

Bado unapaswa kutarajia ucheleweshaji kutokana na mrundikano wa kesi za USCIS. Serikali imekata rufaa dhidi ya uamuzi huo, na taarifa hii inaweza kubadilika.

Je, ukaguzi wa hali ya wakimbizi ni nini?

USCIS pia inaangalia upya visa vya wakimbizi kuanzia Januari 20, 2021, hadi Februari 20, 2025. Ikiwa uliingia nchini kupitia mpango wa mkimbizi kwa wakati huu, hakuna mabadiliko ya haraka kwa hali yako ya sasa, lakini kesi yako inaweza kuchunguzwa tena. Maombi ya Green Card yanayosubiri ya kikundi hiki pia yamesitishwa. Tazama IRAP kwa taarifa zaidi.

Zaidi kutoka USAHello

Je, unatafuta taarifa mahususi?

Jinsi ya kupata wakili wa uhamiaji bila malipo na msaada wa kisheria wa gharama nafuu

Jinsi ya kupata wakili wa uhamiaji bila malipo na msaada wa kisheria wa gharama nafuu Ni muhimu kupata ushauri wa kisheria wakati wa kuomba mafao ya uhamiaji au ikiwa upo kizuizini. Mashirika mengi hutoa msaada wa kisheria wa bure au wa gharama nafuu na wakili wa uhamiaji au mwakilishi aliyeidhinishwa. Jifunze jinsi ya kupata msaada wa kuaminika na jinsi unavyoweza kujiwakilisha.

Vidokezo vya kuepuka utapeli na ulaghai wa uhamiaji

Vidokezo vya kuepuka utapeli na ulaghai wa uhamiaji Utapeli wa uhamiaji ni jambo la kawaida sana na upo wa aina nyingi, kuanzia huduma bandia za kisheria hadi kujifanya maafisa wa serikali. Lazima ujue jinsi ya kujilinda. Pata vidokezo kuhusu jinsi ya kutambua, kuepuka, na kuripoti utapeli.

Kuunganisha tena familia kwa wakimbizi na wahamiaji

Kuunganisha tena familia kwa wakimbizi na wahamiaji Wakimbizi, waomba hifadhi, na wamiliki wa SIV wa Afghan wanaweza kuomba baadhi ya wanafamilia kuunaga nao nchini Marekani. Pata maelezo zaidi kuhusu kuunganishwa tena kwa familia. Pata taarifa kuhusu mpango huu na jinsi ya kuomba.

How to apply for a U.S. travel document

How to apply for a U.S. travel document If you plan to travel outside the USA, you may need a U.S.-issued travel document to return. Learn who needs a travel document and how to apply. Know what to consider when deciding if it is safe to travel abroad.

Immigration Guide

Immigration Guide Mwongozo huu uko hapa kukusaidia kupata taarifa mpya na kuwa salama wakati sera za uhamiaji zinabadilika chini ya utawala mpya wa Trump. Pata taarifa zinazosasishwa mara kwa mara. Pata maelezo kuhusu mipango inayoisha na jinsi ya kuomba mafao yanayopatikana. Zijue haki zako na jinsi ya kupata usaidizi.

Family immigration for U.S. citizens and Green Card holders

Family immigration for U.S. citizens and Green Card holders Ikiwa wewe ni raia wa Marekani au mkazi halali wa kudumu, unaweza kuwasilisha ombi kwa baadhi ya wanafamilia wako kujiunga nawe nchini Marekani. Pata maelezo kuhusu aina za visa za uhamiaji za familia zinazopatikana na jinsi ya kuomba Green Card kwa mwanafamilia wako.