Chanjman nan TPS Ayiti
Estati Pwoteksyon Tanporè (TPS) pèmèt moun ki soti nan sèten peyi rete epi travay Ozetazini si li pa an sekirite pou yo retounen lakay yo akòz lagè, dezas oswa lòt ijans.
Yon tribinal te deside sou 15 jiyè 2025 ke TPS Ayiti pa ka fini anvan 3 fevriye 2026. Règleman sa a an vigè, men li ka chanje.
- Peryòd deziyasyon TPS la rete 18 mwa akòz yon lòd tribinal. Benefis ou yo ta dwe rete valab jiska 3 fevriye 2026.
- Si w deja gen TPS pou Ayiti anba yon deziyasyon ki te fèt anvan sa, ou ta dwe re-anrejistre avan 30 Dawout 2024 pou kontinye resevwa avantaj ou jiska 3 fevriye 2026.
Pèmi travay
Moun ki benefisye TPS ka jwenn yon pèmi travay sou fòm yon Dokiman Otorizasyon Travay (EAD). Li montre patwon yo ke ou otorize pou travay Ozetazini.
Ou ka aplike pou otorizasyon travay lè w ranpli Fòm I-765 epi peye frè a. Nou rekòmande pou w aplike menm lè ou aplike pou TPS. Si w ranpli toude fòm yo ansanm, sa ka ede w jwenn EAD pi vit. Ou ka aplike apre tou.
Si w aplike pou yon nouvo EAD pandan peryòd enskripsyon aktyèl la, pèmi travay ou a ap valab jiska 3 out 2024.
Si ou gen TPS anba yon deziyasyon anvan, USCIS te otomatikman pwolonje dat ekspirasyon EAD pou moun ki gen TPS Ayiti a 3 fevriye 2026, pou moun ki gen EADs ki te ekspire nan dat sa yo:
- 2 sept. 2025
- 3 Dawou 2025
- 3 Dawout 2024
- 30 Jen 2024
- 3 Fevriye 2023
- 31 desanm 2022
- 4 Oktòb 2021
- 4 Janvye 2021
- 2 Janvye 2020
- 22 Jiyè 2019
- 22 Janvye 2018
- Jiyè 22 2017
Pèmi vwayaj
Moun ki benefisye de TPS ka jwenn yon pèmi vwayaj. Yo rele li otorizasyon antisipe. Li montre ofisyèl imigrasyon yo ke ou gen otorizasyon pou vwayaje aletranje epi tounen nan USA.
Ou ka aplike pou yon pèmi vwayaj lè w ranpli Fòm I-131. Swiv enstriksyon avi Rejis Federal lè w ap aplike pou yon pèmi vwayaj.
Anvan w vwayaje andeyò Etazini, pale ak yon avoka. Règ imigrasyon yo ka chanje epi li enpòtan pou w konnen si li pa yon risk pou w vwayaje.
Kisa k ap pase lè TPS la ekspire?
Si w pa gen yon lòt estati imigrasyon legal anplis TPS, w ap vin san papye epi w ap pèdi otorizasyon travay ou. Si w rete san estati legal, w ap riske pou yo detain w epi depòte w.
Ki jan pou prepare
- Haitian Bridge Alliance ofri èd bay imigran Ayisyen Ozetazini.
- Pale ak yon avoka imigrasyon. Li enpòtan pou chèche èd legal epi aprann sou opsyon ou genyen pou rete Ozetazini
- Aplike pou yon lòt estati imigrasyon si ou kalifye. Verifye si ou kalifye pou azil, estati pèmanan legal (Green Card), oswa lòt viza ameriken.
- Prepare pou ICE. Konnen kisa pou w fè si w pa gen papye epi ajan yo vin lakay ou oswa nan travay ou. Konnen dwa w yo ak kijan pou kreye yon plan safety.
- Rete enfòme. Aprann plis bagay sou chanjman nan imigrasyon anba nouvo administrasyon an.
Aprann kijan pou jwenn èd gratis oswa bon mache nan men avoka imigrasyon ak reprezantan legal de konfyans.
Enfòmasyon ki nan paj sa a vini de DHS, USCIS, ak lòt sous nou ka fè konfyans. Objektif nou se pou ofri enfòmasyon ki fasil pou konprann epi yo mete yo ajou regilyèman. Enfòmasyon sa yo pa konsèy jiridik.
Plis soti nan USAHello
K ap chèche enfòmasyon espesifik?
