Kisa yon Green Card ye?
Yon Green Card pèmèt moun ki pa sitwayen ameriken yo viv epi travay Ozetazini. Se yon dokiman idantite ki genyen non ou ak foto ou. Yon Green Card se yon prèv estati imigrasyon ou antanke yon rezidan pèmanan legal (LPR).
Se U.S. Citizenship and Immigration Services (USCIS) ki bay Kat Vèt yo. Pifò Kat Vèt yo valab pou 10 lane. Si w se yon rezidan kondisyonèl, li valab pou 2 zan.
Yo rele Green Card la kat rezidan pèmanan tou.
Avantaj ki genyen lè w gen yonGreen Card
Si ou gen estati rezidan pèmanan ou kapab:
- Viv ak travay nan Etazini pèmanan
- vwayaje andeyò Etazini pou jiska 12 mwa
- resevwa avantaj federal, tankou èd pou peye edikasyon ak lojman
- aplike pou mennen mari oswa madanm ou ak timoun ki pa marye nenpòt laj nan Etazini
- aplike pou sitwayènte ameriken apre 5 ane (oswa 3 ane si w marye ak yon sitwayen ameriken)
Ki moun ki ka aplike?
Genyen plizyè mwayen k ap pèmèt ou vin yon rezidan pèmanan legal. Ou ka aplike si ou nan yon kategori ki elijib:
Manm fanmi sitwayen ameriken oswa moun ki gen Kat Vèt (Green Card)
- Sitwayen ameriken yo ka esponnsorize paran yo, mari oswa madanm yo, fiyanse yo, timoun yo kèlkeswa laj yo oswa sitiyasyon matrimonyal yo, ak frè oswa sè yo. Yon moun ki se vèf oswa vèv yon sitwayen ameriken kapab aplike tou.
- Detantè Green Card yo kapab esponsorize mari yo oswa madanm ak timoun yo genyen ki pa marye pou rezidans pèmanan.
- Sitwayen ameriken ak detantè Green Card yo pa kapab esponsorize manm fanmi ki lwen yo, tankou kouzen, tati, tonton, ak granparan yo.
| Pwogram Keeping Families Together pou antre sou kondisyon (PiP) te sispann. Yon desizyon tribinal te jwenn li ilegal. Pwogram sa a te deja pèmèt kèk mari oswa madanm ki pa sitwayen ameriken ak bèlfi sitwayen ameriken pou aplike pou yon Green Card san yo pa kite Etazini. |
Sèten travayè
Yon Green Card pou imigran ki antre Ozetazini pou travay yo disponib pou kèk travayè, doktè, ak envestisè.
Imigran Espesyal yo
Ouvriye relijye, jèn imigran espesyal, Tradiktè oswa entèprèt Afganè oswa Irakyen ki te travay pou gouvènman ameriken an, manm medya, ak manm òganizasyon entènasyonal yo kapab aplike.
Refijye ak moun ki nan azil
Refijye yo ak moun ki gen azil yo ka aplike pou yon Green Card aprè yo fin jwenn estati yo. Refijye yo dwe aplike nan 1 lane aprè yo rive. moun ki gen azil yo ka aplike nenpòt ki lè. Men toude dwe viv Etazini pandan 1 lane anvan yo ka apwouve Green Card yo.
| Depi nan dat 3/25/25, USCIS sispann pran desizyon final sou kèk aplikasyon Green Card pou refijye ak moun k ap mande azil pou plis verifikasyon. Nou pa konnen konbyen dosye ki sispann, kòman kontwòl la pral dewoule, oswa konbyen tan sispansyon sa a pral dire. Ou ka kontinye soumèt aplikasyon pou Green Card men ou dwe atann ou ak yon delè trètman ki pi long. |
Viktim abi, krim, ak trafik moun
Kèk moun ki viktim abi kapab aplike nan VAWA, Estati Jèn Imigran Espesyal (Special Immigrant Juvenile), Lwa Ajisteman pou Kiben (Cuban Adjustment Act), ak Lwa Ekite nan zafè Imigrasyon pou Refijye Ayisyen (Haitian Refugee Immigrant Fairness Act). Viktim nan trafik moun ak viktim krim yo kapab aplike pou rezidans pèmanan.
Rezidan alontèm yo
Si w ap viv Ozetazini depi 1ye janvye 1972, ou ka aplike. Sa rele yon Green Card nan rejis. Sa se yon opsyon menm si ou pa gen dokiman oswa ou te antre Ozetazini ilegal.
Lòt non-imigran
Sèten moun ka aplike pou yon Kat vèt (Green Card) nan lòt pwogram ki enkli:
- Ekite nan zafè Imigrasyon pou Refijye Liberyen (Refugee Immigration Fairness) (LRIF)
- Pwogram Viza Imigran Divès (lotri Green Card)
- Lwa Ajisteman pou Kiben (Cuban Adjustment Act)
- Estati depandan nan HRIFA
- Moun ki gen otorizasyon sejou tanporè nan Lautenberg
- Lwa Ajisteman Indochinese Parole 2000)
- Endyen Ameriken ki fèt Kanada
- Diplomat oswa moun ki fèt Ozetazini pou yon diplomat etranje
Kondisyon yo
Chak kategori elijibilite pou Green Card genyen egzijans ki espesifik ou dwe ranpli.
Si ou nan Etazini
Yon ofisye imigrasyon dwe te enspekte epi aksepte w ou lè w ap antre Etazini. Aplike pandan w Etazini se ofisyèlman yon ajisteman nan estati.
Si w aletranje
Ou dwe aplike pou yon viza imigran ak konsila lokal ou a pou vin Etazini. Pwosesis sa rele ofisyèlman pwosesis konsila.
| Règ chaj piblik la pa pèmèt moun ki pral depann de sèten asistans gouvènman an jwenn yon Green Card atravè yon petisyon familyal. Azilye yo, refijye yo, moun ki gen pwovizyon imanitè, moun ki gen TPS, ak viktim trafik moun ak krim yo egzante de règ sa a. |
Kijan pou aplike
Kounye a ou fin wè diferan kategori ki genyen yo, men pwochèn etap ou pral pase pou w aplike:
Etap 1: Verifye si ou elijib pou w aplike
- Chak kategori Green Card gen egzijans pa li.
Etap 2: Jwenn asistans jiridik si ou kapab
- Li toujou itil pou w jwenn asistans jiridik lè w ap eseye ajiste estati imigrasyon ou. Genyen anpil òganizasyon ak avoka ki ofri asistans yo gratis oswa pou yon ti kras lajan.
Etap 3: Chèche konnen si ou bezwen depoze yon demann pou yon viza
- Manm fanmi w ka oblije ranpli Fòm I-130 ak yon afidavi sipò nan USCIS.
- Patwon w lan ka genyen pou li depoze Fòm I-140 nan USCIS.
Etap 4: Ranpli aplikasyon w lan
- Si ou aletranje, ou dwe aplike pou yon viza imigran nan anbasad ki nan peyi w la pou w kapab antre Ozetazini.
- Si ou Etazini, ou dwe ranpli Fòm I-485 avèk USCIS. Asire w ou itilize dènyè edisyon fòm lan, edisyon 1/20/25. Si w pa itilize fòm ki kòrèk la, USCIS pa pral aksepte aplikasyon ou an.
- Ou dwe tou gen yon egzamen medikal epi enkli fòm I -693 avèk aplikasyon Green Card ou a.
- Swiv konsèy pou ranpli aplikasyon Green Card ou a.
- Peye frè pou ranpli a. Li varye selon laj. Itilize kalkilatris frè USCIS la.
- Note: ou kapab aplike tou pou sekirite sosyal ou anmenm tan.
Etap 5: Randevou byometrik ou a
- Aplikan Green Card Ozetazini ki gen laj 14 ak 78 yo oblije bay byometrik. Aprann sou sa ou dwe atann nan randevou w la.
Etap 6: Entèvyou ou a pou Green Card
- Pifò moun ki aplike pou yon Green Card Ozetazini pral oblije fè entèvyou nan yon biwo USCIS lokal. Yon ofisye imigrasyon pral revize repons pou aplikasyon w lan. Yo ka poze lòt kesyon tou pou deside si w kalifye pou yon Green Card.
- Si ou aletranje, yon ajan konsila pral fè entèvyou avèk ou nan yon Anbasad oswa Konsila Ameriken nan peyi kote w ap viv la. Ajan konsila a pral egzamine aplikasyon viza w la epi poze w kesyon pou deside si ou kalifye pou yon viza imigran oswa non.
Etap 7: Konteste yon desizyon
- Yon ofisye imigrasyon oubyen konsilè ofisyèl ap pran yon desizyon nan dosye pa w la nan fen entèvyou w la. Nan kèk ka, ofisye a ka mande plis prèv anvan yo rann yon desizyon.
- Si yo apwouve aplikasyon w lan, epi w ap Ozetazini, w ap resevwa yon avi apwobasyon apre w ap resevwa Kat Vèt ou.
- Si aplikasyon w la apwouve, epi w andeyò Etazini, w ap resevwa yon viza imigran nan paspò w pou pèmèt ou antre Ozetazini. Apre w fin antre epi peye Frè Imigran an, w ap resevwa Green Card ou.
- Si yo refize aplikasyon w lan oswa viza w la, w ap jwenn enfòmasyon sou si w ka fè apèl kont li.
Etap 8: Jwenn Green Card ou a
- Tan datant pou yon Green Card depann de kategori ak kote ou ap aplike a. Ou kapab chèche estimasyon tan pwosesis la anliy.
- Ou kapab tcheke estati aplikasyon ou a sou Entènèt oswa lè ou rele USCIS Contact Center.
Entèvyou Green Card
Gen kèk bagay ou ka fè pou prepare pou entèvyou a.
- Revize aplikasyon ou an anvan entèvyou ou a. Jwenn avèk yon avoka, ajans reyentegrasyon, fanmi, oswa zanmi.
- Pote yon kopi aplikasyon ou an.
- Pote orijinal tout dokiman sipò yo san wete paspò w, dokiman vwayaj ou, ak Fòm I-94.
- Prepare ou pou ou reponn tout kesyon yo san bay manti.
- Pou entèvyou nan USCIS, ou dwe pote pwòp entèprèt ou si ou bezwen youn epi ranpli Fòm G-1256. Entèprèt ou a dwe gen omwen 18 an, pale lang ou ak angle byen, epi li pa dwe patisipe nan ka w la.
Enfòmasyon pou detantè Green Card
Ou ka depoze yon petisyon pou retire kondisyon ki sou Green Card 2 zan ou 90 jou anvan li ekspire.
- Si ou gen yon Green Card ki baze sou fanmi, ranpli Form I-751. Ou pral oblije pwouve ou marye de bònfwa, sa vle di maryaj ou a otantik.
- Si ou gen yon Green Card ki baze sou travay, ranpli Form I-829. W ap gen pou pwouve ou te envesti oswa ap envesti $1,050,000 nan yon nouvo biznis epi 10 travay aplentan.
- Si ou ranpli youn nan fòm sa yo, Green Card ou a ap kontinye valab pou 48 mwa apre dat ekspirasyon kat la.
ou dwe renouvle kat ou sis mwa anvan li ekspire. Si kat ou te pèdi, yo vòlè li oswa andomaje, ou ka ranplase kat ou a.
Ranpli Fòm I-90 pou renouvle oswa ranplase kat ou a. Ou ka soumèt aplikasyon ou a anliy oswa pa lapòs.
PA ranpli Fòm I-90 si ou gen yon Green Card ki gen 2 lane k ap ekspire. Olye sa ou dwe ranpli Fòm I-751 (gade pi wo a).
Si ow ranpli Fòm I-90 pou renouvle yon Green Card ki ekspire, Green Card ou a ap kontinye valid pou 36 mwa pandan USCIS ap anlize aplikasyon w lan. Ou ka sèvi ak avi resi w la ak Green Card ki ekspire w kòm prèv tanporè sou estati rezidan pèmanan legal ou ak otorizasyon travay ou.
Si ou ap tann yon ranplasman Green Card, ou ka kontakte biwo USCIS lokal ou a pou mande prèv estati Green Card ou a.
Chaj piblik pa aplike pou ou si w ap aplike pou renouvle Green Card ou a. Ou ka oblije ale nan yon lòt detèminasyon inadmisibilité chaj piblik si ou retounen Ozetazini apre w fin absan pou plis pase 180 jou.
Wap bezwen montre yon paspò oswa yon dokiman vwayaj lè w ap kite peyi Etazini. W ap bezwen montre Green Card ou lè w retounen Ozetazini. Si ou vwayaje aletranje pou plis pase yon lane, ou dwe aplike pou yon pèmi pou retounen Ozetazini. Ou kapab ranpli Fòm I-131
Remake byen ke kèk peyi ka gen restriksyon sou vwayaj. Aprann kijan pou w planifye vwayaj ou an san danje nan gid nou an sou dokiman vwayaj ak entèdiksyon vwayaj.
Konnen ki jan yo pwoteje tèt ou kont move ak fo sit entènèt. Aprann sa pou w fè si w te viktim fwod.
Enfòmasyon ki nan paj sa a vini de USCIS ak lòt sous nou ka fè konfyans. Objektif nou se pou ofri enfòmasyon ki fasil pou konprann epi yo mete yo ajou regilyèman. Enfòmasyon sa yo pa konsèy jiridik.
Plis soti nan USAHello
K ap chèche enfòmasyon espesifik?
