Resous Sitwayènte nan Houston

Gen plis pase 300,000 moun ki kalifye pou aplike pou sitwayènte nan rejyon Houston nan. Tounen yon sitwayen ameriken ba ou tout dwa, plis opòtinite, ak yon vwa ki pi fò nan kominote w la. USAHello la pou ede ou demare.

USAHello la pou ede w konprann pwosesis sitwayènte a, aprann sou nouvo règleman ak chanjman, prepare tèt ou pou tès la, epi jwenn èd gratis tou pre ou.

Resous gratis an liy pou kòmanse

person walking in grain field wrapped in american flag

Gid sitwayènte Ameriken

Èske ou vle vin yon sitwayen ameriken? USAHello ka ede w kòmanse ak gid fasil pou konprann nou an. Jwenn enfòmasyon sou aplikasyon, Fòm N-400, entèvyou natiralizasyon an, ak tès sitwayènte. Aprann kisa pou atann ak kijan pou prepare.

Kesyon Tès Sitwayènte a

Jwenn yon lis konplè dènye kesyon ak repons tès sitwayènte yo nan 18 lang diferan, ki gen ladan videyo ak odyo pou ede w etidye.

Prepare pou Tès Anglè a

Yon pati nan tès sitwayènte a se montre ou ka pale ak konprann anglè. Aprann mwayen ki gratis pou pratike anglè ou.

Jwenn èd nan Houston

Houston Natiralize Kounye a

Enskri pou benefisye èd sitwayènte gratis bò kote diferan òganizasyon. Konsilte yon lis evènman sitwayènte lokal.

Kou sou Sitwayènte nan Bibliyotèk

Bibliyotèk Piblik Konte Harris la ofri kou sitwayènte ak anglè kòm dezyèm lang (English as Second Language, ESL) vityèlman ak an pèsòn. Jwenn kou ki disponib yo epi enskri.

Fowòm sou Sitwayènte

Jwenn yon lis evènman sou sitwayènte chak mwa nan Houston. 75 premye patisipan yo resevwa èd pou yon aplikasyon pou sitwayènte ki gratis ak endividyèl.

Kou ak Asistans Jiridik

Jwenn kou sou sitwayènte lokal yo epi asistans jiridik pou aplikasyon sitwayènte ou an. Rele 346-867-3871.

Èd Legal

Jwenn èd legal lokal ak aplikasyon sitwayènte w la. Rele 866-301-3901 oswa imèl info@ghirp.org.

Liy Asistans pou Sitwayènte

Si ou pito pale ak yon moun pou ede w jwenn sèvis, ou ka rele liy asistans pou sitwayènte a GRATIS nan 1-833-468-4664.

Rele kounye a

Rete enfòme sou chanjman yo

man looking at Immigration Guide on phone at subway stop

Gid pou Chanjman Imigrasyon yo

Aprann sou chanjman resan nan règleman imigrasyon ki ka afekte aplikasyon w. Chèche dènye nouvèl klè ak sa yo vle di pou ou.

Poze sou sèten aplikasyon pou sitwayèntetwayènte

Gen kèk moun ki ka fè fas ak reta oswa poz nan aplikasyon sitwayènte yo si yo soti nan yon peyi ki gen entèdiksyon vwayaj. Chèche konnen ki moun ki ka afekte ak kisa pou w atann ou.

Nouvo Egzijans Bon Karaktè Moral yo

Aplikasyon pou sitwayènte kounye a gen règ mete ajou sou "bon karaktè moral". Aprann sa sa vle di ak sa ki ka afekte aplikasyon w.

Revizyon sou Medya Sosyal

Ou ka bezwen mete nan lis kont medya sosyal ou yo lè w ap aplike. Aprann sa sa vle di ak kijan pou pwoteje enfòmasyon ou yo.

Pou edikatè ak lidè kominotè yo

Antre nan Alyans Edikatè Sitwayènte Houston lan

Antre nan yon pwogram devlopman pwofesyonèl ak edikasyon kontinyèl ki amelyore kapasite w pou sipòte granmoun k ap aprann nan pakou yo pou yo vin gen sitwayènte ameriken.

Pwogram Fòmasyon Gratis pou Edikatè Sitwayènte

USAHello te lanse yon kou fòmasyon gratis epi ki adapte ak pwòp ritm chak moun sou entènèt ki vize ekipe edikatè yo avèk ladrès pou sipòte granmoun k ap aprann nan pakou yo pou yo jwenn sitwayènte.

Enskripsyon

Poukisa Ou Dwe Mande Sitwayènte Ameriken nan Houston?

Houston se yon vil dinamik ak divèsifye ki akeyi imigran ki sòti nan tout mond lan. Lè w vin yon sitwayen ameriken nan Houston, ou gen aksè ak yon bann avantaj epi opòtinite. Sitwayènte a ba ou dwa pou w vote, aksè ak travay federal, epi kapasite pou w esponnsorize manm fanmi w yo pou imigrasyon.

Mete sou sa, Houston ofri yon latriye resous pou soutni ou pandan pakou ou pou sitwayènte a. Sa yo enkli kou ki gratis, asistans jiridik, epi evènman kominotè. Rejwenn plizyè milye lòt moun ki te franchi etap enpòtan sa a pou asire yon pi bon avni pou tèt yo ak fanmi yo.

Houston abrite anpil òganizasyon ki konsakre yo pou ede imigran rive jwenn sitwayènte. Kit ou bezwen èd pou pwosesis natiralizasyon an, etidye pou tès sitwayènte a, oswa prepare ou pou egzijans nan zafè lang anglè, ou ka jwenn èd ou bezwen an!

USAHello fyè pou li fè patenarya avèk Houston Endownment pou soutni efò natiralizasyon lokal yo.

Sitwayènte Houston: Jwenn Resous itil

Pataje resous sa yo

Lòt resous gratis: