Chanjman nan pwosesis CHNV yo
Nan dat 25 Mas 2025 lan, Depatman Sekirite Enteryè (DHS) mete fen nan pwogram antre sou kondisyon an pou Kiben, Ayisyen, Nikaragweyen, ak Venezyelyen (CHNV) yo. Nan dat 14 Avril, yon tribinal te sispann plan sa a tanporèman.
Sepandan, nan dat 30 Me 2025, Lakou Siprèm lan ranvèse desizyon tribinal sa a epi li deside pèmèt administrasyon Trump lan mete fen nan estati antre sou kondisyon pou moun ki isit la atravè pwosesis CHNV. Si w te gen estati antre sou kondisyon, li ap fini nan 30 Me 2025.
USCIS ap voye notifikasyon atravè imèl oswa atravè kont an liy USCIS ou a pou di ou antre sou kondisyon CHNV ou a fini.
Malgre desizyon Tribinal Siprèm lan, desizyon sa toujou ap konteste pi lwen nan tribinal ki pi ba yo. Sa vle di ke tribinal yo toujou ap deside si desizyon pou mete fen nan pwogram antre sou kondisyon CHNV la te legal. Desizyon Tribinal Siprèm lan pèmèt pwogram nan fini pandan tribinal ki pi ba yo ap tande agiman tou de pati yo epi pran desizyon yo. Apre pwosesis sa a fini, ka a gen anpil chans pou l tande ankò pa Tribinal Siprèm lan pou yon detèminasyon final sou si desizyon pou mete fen nan pwogram lan te legal.
Pwosesis sa a ka pran plizyè mwa oswa menm ane. Pandan peryòd sa a, moun ki gen CHNV libète kondisyonèl aktyèl pap gen estati imigrasyon legal epi yo ka depòte yo. Pou rezon sa, moun ki gen CHNV ta dwe aji kounye a pou chèche yon lòt estati legal, si yo kalifye.
Kisa sa vle di pou aplikan yo
Si w te espere vin Ozetazini atravè pwogram sa a, konnen:
- Yo pa aksepte okenn nouvo aplikasyon.
- Nenpòt aplikasyon ki an atant p ap trete.
- Yo p ap bay okenn nouvo otorizasyon vwayaj.
Kisa sa vle di pou moun ki gentan antre sou pwogram sa a
Si w deja nan Ozetazini ak antre sou kondisyon atravè pwogram sa a:
- Antre sou kondisyon an ou fini. Ou pa gen dwa rete nan peyi Etazini ankò anba estati sa a.
- Pèmi travay ak dokiman vwayaj atravè estati antre sou kondisyon yo pa valab ankò.
- Si ou gen yon lòt mwayen legal pou rete Ozetazini, ou pa bezwen kite peyi a.
- Si w ap defann ka w nan tribinal oswa si w gen yon aplikasyon azil ki annatant ak USCIS, kite Etazini ka mete fen nan ka w la epi fè li pi difisil pou w retounen legalman.
- Bagay yo ka chanje ankò piske y ap egzamine ak konteste yo nan tribinal yo. Rete enfòme.
- Gouvènman ameriken an planifye pou depòte moun ki pèdi antre sou kondisyon yo.
- Ou ta dwe aji kounye a pou chèche yon lòt estati legal si ou kalifye.
Kijan pou prepare w pou lè pèmi sejou tanporè w la fini
Si w Ozetazini kounye a atrave pwogram antre Etazini san benefisye estati imigran, nou rekòmande w poze aksyon sa yo imedyatman:
- Jwenn asistans jiridik. Yon avoka imigrasyon oswa yon reprezantan legal ka ede w revize opsyon ou yo. Anpil òganizasyon ak avoka ofri sèvis asistans jiridik gratis oswa a ba pri.
- Aplike pou azil si ou kalifye. Li gratis pou ranpli.
- Si ou te Ozetazini pou mwens pase 2 zan, ou ka toujou sibi depòtasyon akselere, menm avèk yon aplikasyon azil ki an atant.Merge change.
- Aplike pou TPS Ayiti si w kalifye.
- Tcheke si w kalifye pou Lwa Ajisteman Kiben an. Si ou se Kiben, ou ka anmezi pou aplike pou yon Green Card apre ou tepase yon ane Ozetazini.
- Konnen dwa ou genyen ak ICE ak kijan pou kreye yon plan sekirite si ou fin pèdi estati legal ou.
| Apati 28 Me 2025, kounya yon desizyon tribinal egzije gouvènman Ameriken an pou rekòmanse trètman aplikasyon pou moun ki gen antre sou kondisyon pou rezon imanitè. Sa a gen ladan pèmi travay, azil, TPS, ajisteman nan estati, ak renouvèlman pèmi sejou tanporè. Jwenn dènye nouvèl avèk Justice Action Center. |
Aprann kijan pou jwenn èd gratis oswa bon mache nan men avoka imigrasyon ak reprezantan legal de konfyans.
Enfòmasyon ki nan paj sa a vini de Welcome.US, DHS, ak lòt sous nou ka fè konfyans. Objektif nou se pou ofri enfòmasyon ki fasil pou konprann epi yo mete yo ajou regilyèman. Enfòmasyon sa yo pa konsèy jiridik.
Plis soti nan USAHello
K ap chèche enfòmasyon espesifik?
